أثر چفي أعله بابك كُثر مادگيت

[وردة الغاردينيا]

أثر چفي أعله بابك كُثر مادگيت
ومل حتى الجدم گد مااجه لدارك

يانغمة بلابُل ترن كل مصباح
يفك بابه العشگ من يسمع أَخبارك

چنت شجرة عشگ حايل تمر ع الناس
ولامره اشتكيت برمية أحجارك

خطارك أعيوني أوروحي أجتك طيف
تِرد أبيا عُذر لو وصَل خُطـــــــــــــارك

أرجع مو گلت حِسبته يوم..أثنين
وينك يالعفتني اتگلب بنارك

إِبتِله إلمن گال عُذر الغايب وياه؟
خَلَصت العُمر بس أَحسب أَعذارك

ساعه أَسكُت واگولن هسه راح أَرتاح
أوساعه أَركُض وأَهيجن وأتبع آثارك

ياهيبت نخل شنهي القساوه إلبيك
إِلك أبشوگ إجتي تطــــوف زوارك

داريتَك عمر وأبدمعي چنت أَسگيك
أوصرت بير إِلحضرتك وأَدفن أَسرارك

ماضگت إِلرَطب بس نوه حصِتي وياك
أوللغربه شَلِع رَخصته جُمــــــــارك

تلوعني بغيابك ثار مني أتريـــــــــد
شنهي حرب إلبسوس إلماخُلص ثارك !

وينك بس دِرد باب العَتب مفتوح
وأَقبل حتى لو كُل لحظه نِتعارك

آنه أَدري إبجُحا بسماره دگه إلباب
وأَنت أعله الگلب دگيته بِسمارك

 

[ابومايا]

رد: أثر چفي أعله بابك كُثر مادگيت

تسلم الايادي

 

["هيبه ملكـ "]

رد: أثر چفي أعله بابك كُثر مادگيت


فيضَ مَنَ الجَمــالْ الَذي سكبتهْ
تِلَكَ الَـأنــاملْ الَاَلمَــاَسيَةَ
طًرّحٌ مٌخملَي
كُلْ شَئَ مختلفْ هُنــا
يعطَيكـً العآفيةة ..ولـآحرَمنآ منَكـً
بإنتظَآرَجَديِدكًـ بشغفَ