أجلبنچ يدبه اطنعش تجليبة

[آهات حالمه]

اجلبنچ يدبه والجدر بارد
لا تنشاف رگبه و لا فخد صاعد
إلي صاحب عزيز يجيني متواعد
شرط رايد مفطح ويّه تشريبه
اجلبنچ يدبه اثنعش تجليبه
::::::::::
اجلبنچ يدبه والدجاج كبار
هلسناهن هلس مو بماي الحار
مگابلهن وگاعد والجدر محتار
والخطار اجاني وشوف المصيبه
اجلبنچ يدبه اثنعش تجليبه
::::::::
اجلبنچ يدبه والوكت اغبر
جاب الهافي حظه وعاف المعتبر
لابس قاط نيلي مكيّف ويفتر
والأرعن مريض و صعب تطبيبه
اجلبنچ يدبه اثنعش تجليبه
:::::::::::
اجلبنچ يدبه وهسه راح احلف
وادري العنده منچ راهي ويصنّف
وحگ راس الحكومة اووجهه المشنّف
بينه الصوچ كله واحنا ندريبه
اجلبنچ يدبه تثنعش تجليبه
:::::::::
اجلبنچ يدبه والسياسة الغاز
يوم الماي ماكو ويوم راح الغاز
مكيفين بحزبهم ياهو منهم فاز
ماهمهم وطن والأهم تسليبه
اجلبنچ يدبه اثنعش تجليبه

توفيق الصكبان

 

[الشيخ]

اهات حالمة

لك على الطرح