أسف گلبي المتعوب
مو گد خشمچ العالي
يالمتمرده اعله الذوق اول سمره وتلالي
انا اعقل شخص مجنون، سهل وياچ بس غالي
ودريت الجنه سمره لون من وجهچ تدنالي
يـ شاهينه بقشاوه عين وشراسه لبوه وكت الصيد
حنكه زاد من يغيب، خطر سرحان من اثور
تگدر تجرح اخيالي...
وانا وصفولي حور العين..
بس مشكلتي احب الطين
ومن خيروني حب واختار اجه بس وجهج ابالي
خيرتو قلبي تضحيه، اما انا!! اما هيه!!
حوريهٌ أم ماهيه..
واقفهٌ أم جاريه..
أمبرهٌ أم جاريه..
من أنتي يامن عليه مننتي
يالـِ طول الخير يم طولچ گصير
الگاع تفهه بدون نخلتها الطويله
والورد يبچي النده وينزف حماره
الجامع شما زغرفو لونه..
يبقى فاهي كشخة الجامع مناره
شفتچ...
شفتچ الجوه هلال من تبتسمين
والفوگ نورس فاتح جناحاته
الفاتچ تندم انتي ماتتندمين
بس غيرچ اليتندم على الفاته
قالـت؟
لقد دقت طبول الحُب..
اصبحت على مشارف قلبه
ياغايتي... شفايتني اصيراً غايتك
مو أنت لا صرت انا گد حچايتك
خصرك خصر ساعه رمل
بايگني واعرف مو غفل
افتريت نص روحي، مثل مفتاح وافتر بقفل
شرعت بيبان العگل ، خلينا نشابه نضل
ثگلك نخوطه بخفتي، ومن نرش خفتي ثگل
الورده حرمه وبالصلح عدها مواقف عن عگل
دخلت بروحي وشفت
فد حاله من عدهه دخت
ناعم بحيث من ادخلت من المسامات اطلعت
وشيبقى بالمنخل من المنخول ويرد ينخل
من يمروني عالگاه بمرحله انت
ولون اشكال اجوني مرحله انت
ارق من نسمه واصل مرحله انت
تشهگك عيني ماتحتاج ريه
چلمه احبك بالچذب.. صدگيه
علگها ياذنك وانزع الترچيه
كض راحه اچفوفي ارد اكص راحه بال
عايفني قوس بلا وتر چني هلال
أغنيه ويغنونها بلا موال
هيچ من دونك فهاوي البيه
حلمي انت وشتكبر يضل بيتك عين
تروح وارجعك بس اسد الرمشين
گبالك ادنگ مو خجل اعرف زين
من الچعب من تستوي البرحيه
الراگ يزلك والتفت روجك جاي
والعمر نسمه ياهوا يطب الماي
دكتين احس گلبك وياك وياي
لو گلبي بيك وانت گلبك بيه
ليا حد تعاند... ادري بيك تحبني
وگاضيها بس عاجبني، ماعاجبني
چن روحي حواء وابني كتال ابني
وأدم شريف من ابنه ياخذ ديه
قريباً ستنتهي الحرب...
الجيش سيمسك الأرض، وانا سأمسك يدكِ
عيناك نهايه حربً
كانت فيها حتى رصاصه الرحمه بلا رحمه
وخاف اتعبك لو كثر تفكيري بيك
لاتجي ابالي بعد بالي اليجيك
بكلي اشوفك فدوه بس دليني وين
بكل مسام بجسمي اكلبها الك عين
سهم بـ ايدك وين ماتوديني اروح
واليغثنگ انشف رياگهن
اعتبرني عيونك وسدهن ارد اموت
جفونك المفتوحه طال فراگهن
توني اشگ باول رساله
ومرني شوگك كمن ألملم بالحروف الشاگهن
عيون سود بلون تاريخ العراق
اتعذبك وماتكدر على فراگهن
حاجبك ماخذ وضع سجده هلال
صلى بس مارد عيوني الباگهن
اخدودك وطب العرب يتشابهون
ثنينهن ع الفطره يشفى الضاگهن
انا البيك اذكر... وانسى بيه
وانا الونيت بعدك.. وانسى بيه
لاون حط الله جن ...وأنس بيه
هم بضل فراغ الكون بيه
حسين علي المطوري
مو گد خشمچ العالي
يالمتمرده اعله الذوق اول سمره وتلالي
انا اعقل شخص مجنون، سهل وياچ بس غالي
ودريت الجنه سمره لون من وجهچ تدنالي
يـ شاهينه بقشاوه عين وشراسه لبوه وكت الصيد
حنكه زاد من يغيب، خطر سرحان من اثور
تگدر تجرح اخيالي...
وانا وصفولي حور العين..
بس مشكلتي احب الطين
ومن خيروني حب واختار اجه بس وجهج ابالي
خيرتو قلبي تضحيه، اما انا!! اما هيه!!
حوريهٌ أم ماهيه..
واقفهٌ أم جاريه..
أمبرهٌ أم جاريه..
من أنتي يامن عليه مننتي
يالـِ طول الخير يم طولچ گصير
الگاع تفهه بدون نخلتها الطويله
والورد يبچي النده وينزف حماره
الجامع شما زغرفو لونه..
يبقى فاهي كشخة الجامع مناره
شفتچ...
شفتچ الجوه هلال من تبتسمين
والفوگ نورس فاتح جناحاته
الفاتچ تندم انتي ماتتندمين
بس غيرچ اليتندم على الفاته
قالـت؟
لقد دقت طبول الحُب..
اصبحت على مشارف قلبه
ياغايتي... شفايتني اصيراً غايتك
مو أنت لا صرت انا گد حچايتك
خصرك خصر ساعه رمل
بايگني واعرف مو غفل
افتريت نص روحي، مثل مفتاح وافتر بقفل
شرعت بيبان العگل ، خلينا نشابه نضل
ثگلك نخوطه بخفتي، ومن نرش خفتي ثگل
الورده حرمه وبالصلح عدها مواقف عن عگل
دخلت بروحي وشفت
فد حاله من عدهه دخت
ناعم بحيث من ادخلت من المسامات اطلعت
وشيبقى بالمنخل من المنخول ويرد ينخل
من يمروني عالگاه بمرحله انت
ولون اشكال اجوني مرحله انت
ارق من نسمه واصل مرحله انت
تشهگك عيني ماتحتاج ريه
چلمه احبك بالچذب.. صدگيه
علگها ياذنك وانزع الترچيه
كض راحه اچفوفي ارد اكص راحه بال
عايفني قوس بلا وتر چني هلال
أغنيه ويغنونها بلا موال
هيچ من دونك فهاوي البيه
حلمي انت وشتكبر يضل بيتك عين
تروح وارجعك بس اسد الرمشين
گبالك ادنگ مو خجل اعرف زين
من الچعب من تستوي البرحيه
الراگ يزلك والتفت روجك جاي
والعمر نسمه ياهوا يطب الماي
دكتين احس گلبك وياك وياي
لو گلبي بيك وانت گلبك بيه
ليا حد تعاند... ادري بيك تحبني
وگاضيها بس عاجبني، ماعاجبني
چن روحي حواء وابني كتال ابني
وأدم شريف من ابنه ياخذ ديه
قريباً ستنتهي الحرب...
الجيش سيمسك الأرض، وانا سأمسك يدكِ
عيناك نهايه حربً
كانت فيها حتى رصاصه الرحمه بلا رحمه
وخاف اتعبك لو كثر تفكيري بيك
لاتجي ابالي بعد بالي اليجيك
بكلي اشوفك فدوه بس دليني وين
بكل مسام بجسمي اكلبها الك عين
سهم بـ ايدك وين ماتوديني اروح
واليغثنگ انشف رياگهن
اعتبرني عيونك وسدهن ارد اموت
جفونك المفتوحه طال فراگهن
توني اشگ باول رساله
ومرني شوگك كمن ألملم بالحروف الشاگهن
عيون سود بلون تاريخ العراق
اتعذبك وماتكدر على فراگهن
حاجبك ماخذ وضع سجده هلال
صلى بس مارد عيوني الباگهن
اخدودك وطب العرب يتشابهون
ثنينهن ع الفطره يشفى الضاگهن
انا البيك اذكر... وانسى بيه
وانا الونيت بعدك.. وانسى بيه
لاون حط الله جن ...وأنس بيه
هم بضل فراغ الكون بيه
حسين علي المطوري
