أشمك شوك

[قارورة وفه]

هدوه بليل مرة گلبي ما مرتاح​

شراييني أحسهن موت بيهن طاح​

وأحس حتى الهوى كاتم على أنفاسي​

وقفل صندوك گلبي وضيع المفتاح​

زعلت الاحبه وصوچي زعلتهه​

حسبالي الزعل ساعة ويرد بصياح​

وسوسلي أبو مره الف ياحيف​

عبره ماخذت من علة التفاح​

بيدك سلمت حالي بعد هل الحال​

تعال وشوف حالي ياضوه المصباح​

احبك موت تدري وادري ما تقبل​

أشمك شوك وأنت شمتك قداح​

تعال الخاطر الله لا تضل أبعيد​

رسيت بمرسه حبك وقبلت ملاح​

يبحر والبحر روجاته والموجات​

نضرتهن شماته وتخطف الأرواح​

لا يفلان معقوله صخر گلبك​

هيچ تعوف ولفك والوكت ذباح​

ما بيه بعد احمل صبر يهواي​

سهم زعلك رماني وشتفه السفاح​

تعال ارفع المرسه الماي شاطي الحب​

وخل تسري السفينه شما تهب أرياح
==== بقلمي ===​

 

[mohammed.shams]

اخي العزيز

هذه تعود للشاعر هاني حمادة

 

[قارورة وفه]

شكر للمتابه وهو انا الشاغر هاني حماده البلداوي
اما اسم قارورة وفه فهوه مستعار شكر الك

 

[mohammed.shams]

شكر للمتابه وهو انا الشاغر هاني حماده البلداوي
اما اسم قارورة وفه فهوه مستعار شكر الك

امنور شاعرنه المبدع

 

[◥ ツكاسر القانونツ ◤]

بيدك سلمت حالي بعد هل الحال

تعال وشوف حالي ياضوه المصباح

 

[العذبة~]

تسلم يمينك ويسلم قلمك على هالاحساس المرهف
بإنتظار الجديد و الرائع من عذب مشاعرك

تقبل مروري المتواضع