أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[ذوق]

-

- ماينحسب يوم الـ انتَ مو بيہ .


۔

 

[ملهم]

’،

خذني يَمك الوادم صغار أعلة حضني وأنتَ گدي ..

’،​

 

[رمااد اانسان]

بعد ماجادل بحبك وراهن

احن واقره بمراسيلك وراهن

تعال وشوف صفناتك وراهن

ولك حتى الطبيب احتار بيه

 

[mohammed.shams]

مريض آنه وصعد مرضي على اشفاي
وطب لندن فلا يلحگ على اشفاي
حبيبي من تحط شفتك على اشفاي
أطيب وكل مرض مايضل بيه

 

[mohammed.shams]

صرت كلي جرح بجفاك ودي
وشوفك كل مسه ومصباح ودي
إذا خلص رصيدك علي ودي
أمد شريان وانته اتصل بيه

 

[mohammed.shams]

جمال وچان عندك كله فتنه
واجب رغم حچيك كله فتنه
تدري اشگد فرگتك كلفتنه
مثل الراح دفان بأخيه

 

[mohammed.shams]

هله ياللي عشرتي اوياك_مأسات
إلك خدين بيض أتگول ماسات
أسكر لو شفاي شفاك ماسات
واذوب ومايظل كل حيل بيه
==============

 

[mohammed.shams]

وحگ الألف والآمين والها
ابعدها ماتسله الگلب ولها
الشمس صارت مناصف إلي والها
بخدها النور وآنه النار بيه

 

[mohammed.shams]

يون بسمك دليلي انته وانته
تاه وأرد اسألك انته وانته
يحب اثنين غيرك انته وانته
تركني وإنته بس ضليت بيه

 

[mohammed.shams]

زرعت الدرب لجلك وردة وردة
وعذب منهل ودادك وارد اوردة
مثل يعقوب حالي ورده ورده
لاردلي القميص ولاله جيه