أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

أخوي اللي ردت وياه نبله
رماني وشج الي بحشاي نبلة
إذا إحنه امن اهلنه النوب نبله
اشتظن نرجه الغريب اعله الحمية

 

[mohammed.shams]

العگل تكين تك انجن وشل تك
بسبب داريتك بزغرك وشلتك
عصرتك عصر بچفوفي وشلتك
لگيتك بس عذاب ونوح اليه

 

[mohammed.shams]

بچيت وبالدمع للعين صفيت
اخبطوا ياما اخبطو واشكثر صفيت
يصاحب ويه دهري اشبيك صفيت
انطبگتوا اثنينكم عدوان اليه

 

[mohammed.shams]

آنه الماعرفت اولك من اتلاك
وياهو البالحسن گبلك من اتلاك
يعشعش وهم بعيوني من اتلاك
كتاب وصعب تفسيره عليه
==============

 

[mohammed.shams]

بصحن شوگك يروحي دوم نطفه
ولا من نار حبك يوم نطفه
أحبك ياترف من چنت نطفة
وكاروكك بتوتي وذني ادية

 

[mohammed.shams]

أشوف العمر لايسوه بلاهم
ولو منهم علي زايد بلاهم
وينه المسعد وعايش بلا هم
واسأله اعله الفرح ميمر عليه
==============

 

[mohammed.shams]

الحزن ماينحسب لو ردت عده
على المبعد واخذها الروح عده
يعمري اللي على العشرين عده
ظلمة وهالليالي تمر خفيه

 

[mohammed.shams]

حبيبي لاتظن الدهر سرنه
هجرنه ديارنه وللغرب سرنه
وحياتك ماظهر للغير سرنه
بس دمعي فضحني وعم عليه

 

[mohammed.shams]

شمالك بيه مافد يوم حسيت
واحس جرحك بماي العين حسيت
تدري بيوم عني ارحلت حسيت
العمر وي روحتك راح من اديه
==============

 

[mohammed.shams]

شجاها عليك خلانك وربعاك
كلهم كلو من طيبك وربعاك
ثلث ترباعك انته الهم وربعاك
حمه للگاصدك يشكي الأذيه