أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

عسل وبحلگي وكتي مرجعلكم
ومرجعكم لگلبي ومرجعلكم
صرت آية بهواكم مرجعلكم
خذيتوا منين فتوى وخنتوا بيه
==============

 

[mohammed.shams]

إبني اقصور ابد لتظن بنادم
انجرحنه لچن مابين بنادم
إبنها مو شرط يطلع بنادم
إذا حوه اطلعت موش آدميه
==============

 

[mohammed.shams]

اللولة البيك چي مابيك لوله
ملاك من السمه البالمهد لوله
جمالك ماتجاوز بشر لوله
الخمرة اويه العسل طبگن سويه

 

[mohammed.shams]

وحگ الساكنين الشام ويران
عفه عيوني يشوفن بعد ويران
أخابرلك وخطك يدگ ويرن
الف نعله اعله ابيك رد عليه

 

[mohammed.shams]

العجايب سبعة غيره ماعجبني
وعجبني شلون اگولن ماعجبني
جبن هو وشبگته وماع جبني
ولحد الآن احس مايع بديه

 

[mohammed.shams]

بحة صوته تكتل منسه بحته
ويوشل الماي كله من سبحته
تشوفه تگول مومن من سبحته
وهو كلاوي ويلعب عليه

 

[mohammed.shams]

هجرك حيل خايب مرضاني
زعلت وعگب شخصك من رضاني
ترض صدري وتگلي مرضاني
ولا چنك سحگت انته عليه

 

[mohammed.shams]

بوادي الشوگ احس صوتي دوالك
ودليلي اشموع الك عشرة دوالك
إذا گالولك بكتلي دوه لك
شتظن بدواك روحي تعز عليه

 

[mohammed.shams]

شلت منه وتبعني هم لگاني
لگاني وشلگاني هم لگاني
عسل ظنه بعدني هم لگاني
صرت سم وخذت ثارات اليه

 

[mohammed.shams]

أريد العشرة انه اطويها ولفها
بسبب لن الغدر بيها ولفها
جروحي الفين احسبها والفها
يعد الفين من تجبل عليه