أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

ما نسيتك
بس شفت عينك تريد فراگ
وانت تدري ما ارد
لعيونك طلب

 

[mohammed.shams]

تشابگنه عوافي ونمنه خد بـ خد
وصل يم طيفي وأنه بطيفه گمت أصعد
غطينه انفاسنه وبخرّنه ذاك الصوب
نشهگ والسگف حسينه بي ينهد

 

[mohammed.shams]

الحچي بيناتنا تريد الصدگ تعبان
بطرگ عيون تبچي ووجه ينطي ألوان

 

[mohammed.shams]

واشتهيت
اليوم !!!
أحبك من جديد
اشتهيت كلوبنه تغفى سوى

 

[mohammed.shams]

اشتثگل بروحي انحنيلك مو مذله
العثگ طبعه يماشي سعفات الگلب

 

[mohammed.shams]

لا سوباط اهلنه وريحة الحنطه
وافرش من عصر بالربضه وتغطه ؟
لاجدول قطع والكهربا ترميش
لاگال المولد ونگطع خطه
لا بالصيف تخنگ والهوه ينباع
ولامر الشته ونحتار بالنفطه
نفرش من وكت والنده بروده يصير
مو وكت التطور نومتك ورطه
نگعد من فجر والحيل ذاك الحيل
مو بس الشباب الشايب اشنشطه !
الشاب من الزغر عنده الوظيفه الگاع
لادورّ تطوع جيش لو شرطه
لانشري التمر والتمنات عيار
من نخلات اهلنه ونعمة المغطه
تغيّر نحو الاسوء ماجنينه ارباح
وصلت للتباعد واليجي نگطّه
نحرمنه من الهوه من لبسة الكمام
شنو نفع الهوه لو خشمك مغطّه ؟!

 

[mohammed.shams]

عُيونچ عِافية وگمرة
وحَزن جِيلين
عُيونچ ريَحة الحِنطة
وسَمار الطين

 

[mohammed.shams]

ليش رَخصني ودادَك؟
ليش وأنتَ بعيد مَا بيّن سَوادَك؟
هَسة جَاي تگليّ أنسى ..
مِن تِهت بيّك ولگيتَك
للعِشگ مَا بيّك مَرسى!

 

[mohammed.shams]

اااه يادگات گلبي حسين اسمعه من يدگ.

ابن حرب

 

[mohammed.shams]

الرگبـه من تلتـاف للبوسٰـه جُسـر



لـ مظُفـر النـواب..!