أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

عيونك دوختني اشلون وياك
اصبر الروح عنك كوة كاعد
واذا ستة منك....عندي كتلة برلمان
اشكله الحكومة بست مقاعد

 

[mohammed.shams]

اهواي اليه اهواي ماشايف اهواي

عطشانه روحي ونار مشتعله بحشاي

 

[mohammed.shams]

كل حلو لو بي صوچ لو لولة مرات

بس ولفي حتى چعوب رجلينه حلوات

 

[mohammed.shams]

ليل اليمر علناس ترتاح الكلوب


وانه الونين يهيج من وكت الغروب

 

[mohammed.shams]

غير انت دربك غاد
موش اعله دربي
‏چا من اشوفك ليش
يوجعني گلبي،

 

[mohammed.shams]

صرت،،

مثل الگمر من تخلص ايامه

يوميه انثلم

وثلمه جن جامه

ياعذر اليوالم يرهم الفرگاك

وجه اسود الفرگه
وانتم الشامه

انه الواصل سهمكم حتى لعظامه

 

[mohammed.shams]

وآنه الخاطرك
رشيت ماي الوَرد عالعتبه
و غشّيت برفيف الگلب شبّاجي
كَلت يمكن يجيّك آتراب .
وبلهفة عَطش تانيت..
تانيتك تجي لگلبي
تجي لعينيّ
مثل جيْة الحلم من غير دگة باب

 

[mohammed.shams]

وبلهفة عطش تانيت
وأستعجل نَبض گلبي عليك
أو وكَفت الساعه
ومدري شلون!
غبْت وَي الشمس وتجرّح اللبلاب
وبلحظة صحو تذكرت وين آنه
وعرفت الگال ألي چذاب
وچذب نيسان حَرك اعصاب
عرفت الگال لي چذاب
وعرفتك ماتجيني
وآنكسر گلبي
وكِسرت الباب

 

[mohammed.shams]

كلش صعب ياناس.المر بالحسين.لو بينه ربع الصار جا طرنه نصين.
،،،،،،،،،،
يالتكتب انت اشعار اكتبلي بيتين
عن المشت للشام وي راس الحسين

ابو كيان العبودي

 

[mohammed.shams]

وكعدنا نطش بختنا .. والحزن والليل والحسرات

مظفر