أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

عشگتك

بالخيال منين اجيب شهود

غير الله بمحبتك

مالي شــاهد...

 

[mohammed.shams]

ما بچيتك
مدري منهو بصدري يبچي
مدري منهو يشگگ بگلبي الكواغد
مدري منهو يريد يرحل
مدري منهو يجرني بيدَر للمطر
ما بچيتك ! درت عيني للبحر
ابچي المسافات الـ هِمتها وياك
تِچذب انتَ تِچذب
ما بچيتك ..

 

[mohammed.shams]

فاگدينك ..
مرة اذكر بيك نحچي
ومن وصلنة حروف اسمك
هب حنينك ، انت وينك ؟
لا قريب ونعتنيلك
لا تجي ونلمحها عينك
انت وينك ..؟

 

[mohammed.shams]

‏دَليني يَـ گبرك وين ؟
جبتلك ياس ..
لا يذبل بديه الياس
أبد لمّن شفت گبرك
گلت مدفونه كل الناس !

ـ كاظُم أسماعّيل الگاطع

 

[mohammed.shams]

ويبات الحزن يَمّي
احطه بحضني و يگُلي بعد دنيني يَم گلبك!

- كاظم اسماعيل الگاطع

 

[mohammed.shams]

وطفى الشارع ضواه ونعست كل الدروب
وروحي عالمامش تلوب وانا اذوب!

 

[mohammed.shams]

تعاليلي
اريد اسولفلچ عليچ هواي

 

[mohammed.shams]

چنت خايف،
لا تمُرّ نسمات غيري
وتشتهي بروحك مكان وتنسى ودّي !
چنت خايف
تزهگ بروحك محبّتي وابقى وحدي
حيل خايف . .
والبچي بشباچ گلبي .

 

[mohammed.shams]

يحسين صحبة هالوكت مابيها من سبعينك
هنيالك اول ماصرت عباس تارس عينك

 

[mohammed.shams]

انه مو حي الله عاشگ. حت احب حي الله خل