أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

شوصفَك وانتَ ماتنعاب ؟
يا ومضهَ وڪـتبها مظفر النواب .

 

[mohammed.shams]

‏وأصليلك
تمر بيه ضوه بيا حد
حد الجزر حد المد
حد الما وصل للحد
يامجره الشمس گلي ضواك شگد ..!!

 

[mohammed.shams]

خمرت العتب والشيب
ضميته بشراييني
وفضحني الدم

 

[mohammed.shams]

يكابرون
واحنه مر بينه الكبر مثل الشهاب
حتى ما لحگنه نشبع من صغرنه

حتى ما لحكنه نعشگ من جديد
فراگهم للگاع اخذنه

وكله منه
البينه ما يعرف يعاشر ..كله منه

 

[mohammed.shams]

ابعمر لميتهم وبلحضه يرحون
وحطهم وسط عيني وما يجلبون
اون وناي بالروح
من صحباني مجروح
وفيت اشلون ويه الما يوافون ..

 

[mohammed.shams]

رحت بس المواقف ضلت وياي
وجمر ينزل عليك الدمع مو ماي
يم اجنازتك من انه ونيت
ضل صافن عليه ودمع الناي

 

[mohammed.shams]

والله غلــــطان الــــــــــيريد ايخونه
وحنه لليعطش نصــــــــــب اعيونه
همه رادو كلشي من عدنه ابلاش
وحــــنه بــــــــــس انريد يفتهمونه

 

[mohammed.shams]

شمس بغيابك اكو بس طافيه
ومغربيه بروحي ضلت غافيه
وما احس بروحي روح
وعلي مفتره الجروح
اشلون احط جدمي اعله درب العافيه

 

[mohammed.shams]

انـه من الـشيب شـيابي شبـع ضام
ويگلبـي الـما شبـع منـك شبع ضـيم
اشـوف الـولف من ولـفه شبـع ضـم
وانـه الضمـت گبر ماتصـح ليـه

 

[mohammed.shams]

اليه بالمعالي كان ماكان
وعلي هسه يتجعبن كان ماكان
بطران ويسولف كان ماكان
ولك ياكان والكانون بيه