أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

عفت كلشي ...وجبت كلشي ..
ومدري اشلون اجيت امشي ..
اجيتك ردت اگلك شوف ..
ردنه انعوف كلشي وماگدرنه انعوف ..

 

[mohammed.shams]

كون اتشوف ، گلبي اشگد الك ملهوف ..
جبت كلشي اليسولف بيك ..
خيالي وصحوتي وطيوف ..
جبت دگات گلبي ، الگطعن گلبي بجفاك اسيوف ..

 

[mohammed.shams]

جبت صفنات روحي ..
السودنت روحي ..
مثل جن ابمسيه وعل يتيمه ايحوف ..

 

[mohammed.shams]

كون اتشوف ..
بشفافي الحزن ماخله بسمه اتعيش ..
وكلمن كمت ابوسه بخده اطبع اوف ..

 

[mohammed.shams]

كون اتشوف ..
الجدم مايدري وين يروح ..
والخطوات عميه وتايهه بلاشوف ..

 

[mohammed.shams]

كون اتشوف ..
خلصت الوجوه وشفت كل الناس ..
كلها اوجوه غربه ولا وجه معروف ..

 

[mohammed.shams]

وين الگاك ، يلموصوف اليه وأنه الك موصوف ..
يل فرگاك غربه وكلشي مامألوف ..

 

[mohammed.shams]

انه ابلياك مدري شبيه مابيه ..
زلف وبلايه ترچيه ..
درب مابيه كل جيه..
نهر فاض وتبع ميه ..
رجع بس مالگاله اجروف ..

 

[mohammed.shams]

كون اتشوف ..
روحي اشخله بيهه الخوف ..
مطلوبه نذر وتخاف ..
ماتوصل حضرتك ..
من بعيد اطوف ..

 

[mohammed.shams]

كون اتشوف ..
روحي اشخله بيهه الخوف ..
مثل دم العروس الجايه اعله اجناب ..
ويصبر عليهه وجابهه الزافوف ..