أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

ادري المحبة انتهت ..؟
وادري الوفه مايصح
وادريه سلعه الصبر .. لو كثر ليه الطلب ..
معذور حقه يشح
عطشني الشوفتك .. اذبل واصوفر وفه ..
ولاكيني منجل فلح
علمني حاله الحزن .. ضحكة جذب بالوجه ..
ألبس والاكي الجرح
لن روحي طبع الارض
اتعيش من تنطعن .. وتموت اذا تنترك..
يخنكهه جف الملح
ولتكلي صابر علي..صبر الجبل عالثلج ..
مو مثل صبر السفح
ولو طار عالي النسر .. لا ينسه فضل السمه ..
ويكول عندي جنح
توهه المحبه ابتدت .. وتوه الاساس انبنه ..
يحجيلي عن السطح
وخليني اعمه كَلب ..السجِين من تنعمي ..
ما تمشي درب الذبح
وكاتبلي فرحه الزمن .. كلمه اعله ماي النهر ..
ويكلي ما تنمسح ؟؟

 

[mohammed.shams]

منـــاطرك
تاخذ نصيبي من الـــحزن وتكف دمعتي ....
وتنعگد لمه " هلا " ونذر الـــ ضريح ...
اگرب اگرب غني بيه ولا تسافر
للبعد ما بيه أصيح ؟

 

[mohammed.shams]

يمن رسمك نهر شحّن سواجيه
اريد اعيونك اميه

 

[mohammed.shams]

هذا أنه هرش عطشان
ادور اعليك اريد اتلمسك طيف
مثل اعمى ايتگمگش نشدة الحيطان

 

[mohammed.shams]

ادور بيك گشاية انا الغرگان

أكابر مرة
و ارد مشتاگلك مرات!
تناقض بية هذا انه ذنب سكران ...

 

[mohammed.shams]

لهسّه ابباب جرحي الخنجر ايبــات..
ولهسّه اچفوفي عد إفلان وإفلان...

 

[mohammed.shams]

إنسة دمعك ..
إسكر بكل حيلك إضحك ..
إلضحكة هم ترهم خمر ..

 

[mohammed.shams]

إنسة حزنك ..
لملم إجروحك كواغد ..
و'إهناك ..
يم إقرب احبك صير نار ..

 

[mohammed.shams]

جيس گلبك ..
بعدة ينبض مابرد لساتة حار ..
عيش شوگك ..
حب جديد الصار صار .

 

[mohammed.shams]

أحسَّنَّك وره كل باب.
بيني وبين كلشي أنت.
يا آنا
يصوتي وصاحبي ومرايتي ومعناي
يل ما عندي غيرك ناس.