أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

تريد وياي تتراهن على الشوك ...!!
تعال اتراهن انا وياك يلله ....
اتحداك اذا من كدي تشتاق ...!!!
لأن مشتاق لك كد رحمة الله....

 

[mohammed.shams]

أجت شلة شماتة أتهلهل من ابعيد
كالو صاحبك مابعد بي جيه
كتلهم يجي وكبال هاي الناس
لأن هو الوحيد السأل عليه —

 

[mohammed.shams]

عمت عين اليجرحك مو كلت هيج
كل جروحي منك من عمت عينك

 

[mohammed.shams]

انفجر كلبي بغيابك بطل ولك عاد
والخلك الحبك وعشكك ولك عود
من اذكرك كلبي يدك ناي ولحن عود
عود بداعتي مااحمل اذيه

 

[mohammed.shams]

الناس من يخلص صفر تكسر كزاز

وانت عكس الناس تكسر خاطري

 

[mohammed.shams]

مو لعبة المشاعر بيها تلعب عيب
ولا گلب اليحبك بالخنجر تجرحـــه
عــلى الجــرح لا تــزيـــد امــــلاح
لأن ملح الجـرح محــــــــد يمسحه

 

[mohammed.shams]

من نبعد أنه وياك شي يفتقد شئ
هم شفت يوم انسان نص منه يمشي

 

[mohammed.shams]

مايستاهلك كَالو ... كَلت مشتاكَـ
اليحب يضحي لاتكَلي اليحب ينذل
رحت
ولهسة احس بعدك تعيش وياي
غير اقتنع رايح حتى ادور حل .....

 

[mohammed.shams]

ﻣﻦ ﻳﻮﻡ ﺍﻟﺮﺣﺖ ﺭﺍﺡ ﺍﻟﻔﺮﺡ ﻭﻳﺎﻙ
ﻭﺫﺑﻞ ﻭﺭﺩ ﺍﻟﻤﺤﺒﻪ ﻭﻣﺎﺕ ﺑﺴﺘﺎﻧﻲ
ﻭﺍﺷﺠﺎﺭﻱ ﺻﻔﺖ ﻟﻜَﻤﻪ ﺑﺤﻠﻚ ﻣﻨﺸﺎﺭ
ﻭﺗﻐﺮﻳﺪ ﺍﻟﺒﻼﺑﻞ ﻓﺎﺭﻙ ﺍﻏﺼﺎﻧﻲ
ﺍﺫﻛﺮ ﺩﻛﺘﻚ ﺍﺭﻛﺾ ﻭﺍﻓﺘﺢ ﺍﻟﺒﺎﺏ
ﻣﺎﻟﻜﺎﻙ ﺍﺑﺠﻲ ﻭﺗﺒﺠﻲ ﺑﻴﺒﺎﻧﻲ
ﺍﺻﻴﺢ ﺍﻧﻪ ﻋﻠﻰ ﻏﻴﺮﻙ ﻋﻮﺩ ﺑﻠﻜﻲ ﺍﻧﺴﺎﻙ
ﺍﻏﻠﻂ ﺑﺎﻟﻠﻔﻆ ﻭﻳﺼﻴﺤﻚ ﻟﺴﺎﻧﻲ

 

[mohammed.shams]

سألوني الخلك هم عندك انت احباب
كلت واحد حبيبي و ما اريد اكثـــــــر
تعرف ليش احبك راح اكلك ليـــــــش
لان انت النفس وبدونك اتــــــــــدمر
انت النفس ليه واظل عايش بيـــــــك
ومن تطلع تظل الروح تتحســـــــــــر
يمر طيفك اكبالي وبيك اظل ولهــــان
واصبر الروح وابقى لشوفك اتنطــــــر
احب اسمك لان هو النغم للـــــــروح
واحب ذكرك لانك بالعقل تفتـــــــــــر