أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

شلونك يالمقصر كلش وياي
شمسويلي حتى اشتاقلك هيج

 

[mohammed.shams]

فرق بين اليذوب بساع والــصاك
ويسمونك حلو مرات والــصاك
ربك تره بالمسكين وصـــااك...
وانه المسكين والله موصي بـيـه

 

[mohammed.shams]

يلوموني لان ظليت افكر بيك
ما يدرون بدونك اني اتخبل…

 

[mohammed.shams]

يالوجهك حلو وعيونك مرايات
جمال الكون خطك بالكتب ايه
نحبك مو هواية نحبك هوايات
وبعد فوك الهواية نحبك هواية

 

[mohammed.shams]

انه شاعر حزن مختص بالهموم
وي هاي الهموم محصل الصيت
اعجبك من اريد اتناول الموت
اخلي المفرده تنكط توابيت

 

[mohammed.shams]

طبع بية حنين وكلبي ينبض شوك...
وعلى أدنى المواقف تدمع عيوني...
بعض الناس تكره ماتحب الناس...
واني طبعي احب حتى اليكرهوني..

 

[mohammed.shams]

دك بابي الحزن بس مافتحت الباب
بذاك الوكت جنت مضيف الفرحة
وضحكلي الزمن خلاني أمن بي
على غفلة جرحني ومارحم جرحة

 

[mohammed.shams]

صح بعازتك بس هيه حسبة ليل
والصبح يفرجهة ربك ماتظل عازه

 

[mohammed.shams]

أعرفك مو الي...غير اقتنع وآنساكـ

 

[mohammed.shams]

اريد اسال سؤال محير البال
على كلمن تطرق هيچ موضوع
ليش يضل حزين اليحب بخلاص
وتضل دوم اعله جفنه ادور الدموع
ماغلطان احس من گتلك اهواك
الك بيه حنان يفيض ينبوع
تحب تجرح شعوري بلا سبب دوم
من گد ما تلوم الگلب مفزوع