أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

يل طولك مناره وحاجبك سيفين
ورموشك نخل وعيونك احلامه
وخدودك نوارس والحلك بلور
سبحان الرسم بخدودك الشامه
وبخصرك غزاله وتتعب الصياد
انه كلبي بغرامك تعبت اسهامه
شنو من حسن عندك تعب الرهبان
الكافر من يشوفك يعلن اسلامه
ولان حبك حضاره ومملكه وتيجان
عرش بلقيس يمك دنك الهامه

 

[mohammed.shams]

اريدالله يوفقك كلشي ماريد
والف مبرؤك من عاشرت غيري

 

[mohammed.shams]

من كد ما مشيت وراسي مرفوع

وصلت لمرحلة اشتاكيت للكاع ----

 

[mohammed.shams]

بعز نهار الله ... وادور عن ضوه
بيه علة ... وبيه خوفه من الدوه
الما وفيت وياه.خلي يعذرني حيل
انه والمرتاح ... ما نرهم سوه

 

[mohammed.shams]

انته مـوكتلي أجيـلك مـا أجيت
وكلبي كال المايجيلك روحله
عود ليش الكلب ما يغفرلي يوم
بس حبيبي أعله الغلط مسموحله
حته عطري يظمها روحه وما يفوح . فقط من يشتمه خلي يفوحله
ولو عزيز يغيب كلبي ماينوح
وهـوه يتأخر دقـيقـه ينوحـله
ربي موتني بعد ما أريد أعيش
لسان سري أشما أكتمه يبوحله
أسد باب الكلب وأتمنه أستراح
وألكـه شباج الكلب مـفـتوحـله

 

[mohammed.shams]

أمي من اصيحن اه مدري شيجيها
تكوم الدموع تسيل حتى من ايديها .

 

[mohammed.shams]

أدور بالشعر جمله ألك تنكال ....
أول مره عاجز أعترف بيهه ...
ما مجبور أجامل هذا واقع حال ..
خانتني القوافي وبيش أبديهه

 

[mohammed.shams]

هسه مـال أشتاگلكـ … بس خـاف اضوج

 

[mohammed.shams]

مو هينه بصراحه نطوي اعز كــــــتاب
وامسح كل حروفي واشطب حروفك
مشكلتك تحب اتعيش حتـــه اتعيش
خالي من المــــشاعـر بارده جفوفك
ماتــعرف تقـــدر واحـــــــد انجن بيك
حـَـبك من عـــذابه وقــــــدر اضروفك
مارادك تواعد گـلبــــه بالكـــــــــلمات
ولا رادك تضــمــضـم عن هلك خوفك
رادك للنهايه تعيــش بـــس ويـــــــاه
اعمه ومايــــشوف وكـــامش اجتوفك
اجاك بلا سلاح وبيـــده شــــال ورود
شجاك اتخبلت واذبحــتــــه بسيوفك

 

[mohammed.shams]

البكَلــبه حــجي دكاتـــــه شــتـفيــد
مــثل واحـــد يــدك والــفرح مـو ماله ..!