أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

المثلك شي طبيعي ايصير محبوب
لان حتة اليكرهك تبتسملة

 

[mohammed.shams]

مر بية نهر عطشان الك موت
يمته جروفي يرون بيك يمته
ماطاب الجرح لتشوفه ملموم
من گد الألم عظ اعله شفته

 

[mohammed.shams]

گلناله حلو وبس الله يدري شلون
صرنه عيون كلنه ومنه مانشبع
گلناله الشمس بس تطلع انته تغيب
عله اعناد الشمس كل ساعة ظل يطلع

 

[mohammed.shams]

عله طاري محبتك عندي كومه عتاب
بس مجبور اغلس حته ماخسرك.....!

 

[mohammed.shams]

إنته قمة بكلشي وبكلشي ملاك
وكلشي بيك مرتب وحسب الأصول
إنته غيرك من يمر توگفله ناس
وانته لو مريت توگفلك عقول

 

[mohammed.shams]

ليش اذكرك خليني ناسيك
وما اريدك تجي شسوي لو جيت
جانن ذكرياتي ابالك ايجار
فقيرات ابعشرتك مالهن بيت

 

[mohammed.shams]

امن اعيونك أعرفك وافتهم شتگول
واقره بكل وضوح اشتكتب اعيونك
شلونك من تگلي الدنيه بية تطير
واعوف الدنيه كلها وأشبگ اشلونك

 

[mohammed.shams]

أنجبت منك الف حلم ...
وألف أمنية ...
وألف جرح ...
وألف أغنية...
وإلى الآن لم تجمعنا ساعة واحدة ؟؟؟؟؟؟

 

[mohammed.shams]

ﺻﺤﻴﺢ ﺍﻟﻴﻨﺘﭽﻲ ﺍﻋﻠﻪ ﺍﻟﻤﺎﻱ ﺧﺴﺮﺍﻥ ..
ﻣـﺜـﻞ ﺗـﭽـﻮﺓ ﺍﻟـظـﺎﻟـﻢ ﻉ ﺍﻟـﻤـﺴﺎﻛﻴﻦ !!!

ﻣﻦ ﺷــﻔﺖ ﺍﻟﻠﻘــﻴﻂ ﻳﻬــﺰﻟﻪ ﻓﻨـﺠﺎﻥ ..
ﺭﺣــﺖ ﻟﻠــﺒــﻴـﺖ ﻛــﺴـﺮﺕ ﺍﻟﻔﻨﺎﺟﻴﻦ !!!!!!!
.

 

[mohammed.shams]

سلم من تمر ماتسوه دنياك
ولاتحمل زعل وتشيل غيضة
مو بيضة أطگ لو سلمت يوم
أطگ بگصتك عشرين بيضة