أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

ترجف عليك اعضاي كل ساعه وتلوج
ودموعي عالخدين روج بأثر روج

 

[mohammed.shams]

مــو كل اليحــبون.. حبــهم مثــلنه
اكثــرهم يــلعبــون.. وبلا محـــنه

 

[mohammed.shams]

شنسه منكم ..!!
والعمر ساعات خلصته انتظركم
شنسه منكم ..!!
و الصبر خطوات ما يندل دربكم
آآآآآه يا گلبي الشعل نيرانه حبكم
آآآه يا دمعي الحفر بخدودي اسمكم
عفيه روحي شگد عنيده
شما اعتها تروح يمكم
شنسه منكم ..!!

 

[mohammed.shams]

اريد القي قصيده وبيها كومه جروح
على اسم العراق الدنسو .. صيته
وعلى كل دمعه نزلت من طفل مظلوم
وعلى كلمن شريف وفجرو .. بيته
وين اهل الكرامه الباعو .. الكاع
وين الي تنخه وين اخو .. خيته
خلونه بقفص جن طير مسجون
ندعو برحمة الله .. تنزال هل غمه

 

[mohammed.shams]

بالك تظن واتگول عشرتنه مده
باب الگلب مفتوح هيهات اسده .

 

[mohammed.shams]

علي بكل الشدد يحظر
علي مايوم يتعذر
علي ينطرد باسمه الشر
علي الساقي على الكوثر
علي الطاعن علي الضارب
علي نجم الدجى الثاقب
علي هيبه محاجينه
علي كمره ليالينه
علي للموت والينه
علي ياحكمت التنزيل
علي يامعدن التأويل
علي يالعلمت جبريل
علي المابايعك يخسر
علي العاداك يتأخر

 

[mohammed.shams]

عليك أمي دعت لأن كلبي أخذته وياك ...
و ما أظن دعوة أمي أيردها ربك ...

 

[mohammed.shams]

النبي آخه علي من چـان حيدر صبي
ومازال آخه علي يعني علي هم نبي

 

[mohammed.shams]

رحب بـالحزن لو جـاك خـطـار
لان بـس الـمصايـب طلعت اتفيد
مثل سـوك المتاحف ضـيم دنـياك
كـل ما طـال عـمرك سـعرك ايزيد!!

 

[mohammed.shams]

امي ومن تلولي....ينام ساابع جااار