أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

زمخ وكتي علي والدمع هده0

وعلى راسي جبل حسرات هده0

يعزرائيل مامش بيك هده0

تفك حزني وتجيب الموت اليه؟

 

[mohammed.shams]

راح احبك من طرف واحد نويت
حتى اني وياك ميمرنه الزعل
وحته باچر لو رحت عني ومشيت
مايسألوني واكلهم هم رحل
وحدي بين وبيني قصة حب اعيش
ما اگلك خاف يمنعني الخجل
وخاف اگلك واكتشف عندك حبيب
ليش اجازف وانهي قصتنه بفشل
والله شو مرتاح احسن خلني هيچ
ماتجيني جروح منك عا الاقل
وحته بالفركه شخص واحد يموت
هوه نفسه الچان عايش ع الامل

 

[mohammed.shams]

تمنيتك ظفر من ايدي ما تنشال
بس يا حيف ظني خاب بالسكته
وتمنيتك كلب وياي راح تكون
بس عشره قليلة اتغيرت دكته
وتمنيتك حلم كل لحظة اشوفك جاي
بس احلامي طلعت سالفة وبهته
وتمنيتك سوالف حتى اشعر بيك
مو تنطيني دمعة وتكلب النكته

 

[mohammed.shams]

بغيابك ماكلت للناس مرتاح

يسألوني وأجاوبهم بالدموع

ها هسه يجي....هاا ذاك...ها جاي

وتظل روحي بملامة ناسهه تلوع

وأذا كالو شجاك شلون حبيت

أدير بوجهي...وفتح غير موضوع

 

[mohammed.shams]

الگلب گال احاه گتله استچن هيد
شنهو الجرالك ليش وتعاشر ابعيد ؟

 

[mohammed.shams]

شوف يلحبيت غيري يلجنت للشدة اضمك ..؟
ما اكلك راح تندم ولا راح اصفك واغمك ..؟
راح اكلك كلمة وحدة وانته منه وقيس ظلمك
عيش ويه مرت ابوك وانت تعرف قيمة امك ..

 

[mohammed.shams]

الگلب كال احاه گتلهه اشجرالك
بطل ولك لليوم محــد وفــالـــــك

 

[mohammed.shams]

سنين اضويلك شمع وذبل عيوني الدمع
هيج جازيت اليحبك سبع ياعمي والله سبع

 

[mohammed.shams]

الگلب گال احاه گتلة اوجع حيل
منهو البذانك گال تسهرله لليل

 

[mohammed.shams]

مبري الذمه اذا عني تروح.....
بس بذمتك اذا فد يوم تنساني..