أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

لجوايه مايطيب ابلضم.. وارياف
انه اعرك واستحي من الصبر ..وارياف
بسالفتي مدن سولفت.. وارياف
ويتامه من البجي ايسكتون بيه

 

[mohammed.shams]

روح مسامحك ما عندي شي وياك
اخذ درب العدل ياريت تندله

 

[mohammed.shams]

شفتك بريحه عطش دلة عسل تنكط عشك
والبوسه راجت ونحنت رادت تطيح من الحلك

 

[mohammed.shams]

1. صح احنا مختلفين يا دوه اجروحي♡
   بس انت من تغيب تتكرني روحي♥

   
   
   
   

 

[mohammed.shams]

مغمض والضمه الخيط جي انه وياك
مو ببره لا بالباب ما الضممه بجفاك

 

[mohammed.shams]

بعد بيْه من امس كَضبة خضار آوماي ،
بعد بيْه للسوالف كسره من افياي ،
فَيْ آيفزز الميتين ،
فَيْ اخضر ورك مامات ،
خاطيته الشمس ، ما مات .
رفيف آمسودن آبكَلبي يدك : لا لا
وآعرك مستحه وآصحه وأكظ روحي ،
ادنج خيط كَمريه ولم روحي ،
وآجيك آمغبّش ،آمندّه بعرك كَصتي ،
وآطيح آكَبالك آمرايات .

عبد الكريم القصاب

 

[mohammed.shams]

بلا وميض ، الشوك مطفي ،
وآلتقينه ومدري ليش !
وآلتقينه وما لكَيتك .
اكَبال عيني وما لكَيتك .
موش ذاك آنت الكَبل وهمان .....
ظنيتك على آكَداري وهويتك .
خرزه خرزه الشوك طاح .
لرحمة الله الشوك راح .
وخيط مكَطوع بدمع عيني لكَيتك .
خيط أسود من كَلب شامت لكَيتك .
كون أدري بيك من عشيات تطفه ،
جان عاشرت الكَمر ، ماعاشريتك ،

 

[mohammed.shams]

ولك ، يل مو على الخاطر ،...
أحب آمرورتك بيّه .....

عبد الكريم القصاب

 

[mohammed.shams]

مــابطل مـــــحبتك يــالهمت بــيك
وكــلبي الحبك ومـا غيرك اخــتار
يالناسي العشك بـعيوني مر طيف
اريـد ويـاك اكشف كـــل الاسرار
وتشوف الكـلب وشجم جــرح بـي
ظـل باسمك يـون بي بـاقي بسمار
واريدك هم تمر لو لحظه بـالروح
وبـعينك تـشوف جــــــروح واثار
خيالك مـــــن غبت مـافارك العين
ماانسه السكن يم روحي اعز جار
تـــوالي الليل مـــر وفزز الــروح
علــى اليهواك ضيفه ابـليل خـطار
يالـطبعك مــزاجي تــحيرت بـــيك
كـــلي الياوكت ابـقه انـــه مـــحتار الله عليك

 

[mohammed.shams]

العشك موعيب صيته ولاحرام
بس كون التحبه بحب محدد
واذا حبيت عوف القيل والقال
وضل امشي بقناعه وامشي بجد
واذا تسمع بحرمه اعله اليحبون
بس جمله وحده عليهم ترد
تكلهم العاشك هو ابو الدين
لان الله بعظمته يحب محمد