أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

( والله ما ندمان بس فشلة ضمير
صوچ ما بينة وفشلنة اثنينة
وچنه متفقين ما عدنة اختلاف
منين حط الله العشيرة ابينة)
هنا يل طبع بعيوني ويهلاچ
جفيت وروحه اليحبچ ويه لاچ
مامش عركة بين اهلي وي اهلچ
وكتل عدنا وفصل ينطوچ اليه

صادق الجهلاوي

 

[mohammed.shams]

هذا الموت
جسر للا نهاية عليه كلنة انفوت
هذا الموت
هاجس يبتدينة بلحظة التكوين
ويرافكنة العمر من غير ضجة وصوت
على جف المناية مشردين انام
ونلهث على الدنية ونبني بيهة ابيوت
ونتعافة ونذم بالخلك هذا وذاك
وعلى غفلة وزرك جدامنة التابوت
حاضر واربعينك بعد ما حلت
وروحك يل عزيز بروحنة انشدت
يل حاضر عزاك اتعزي المعزين
واتسكت الناعي العبرتة احتدت
ياعصر الفواتح يا زمان الموت
كافي من الذبح مو ناس ما ضلت
ضاكت كاعنة من اكبور فوك اكبور
فوك اكبور اهلنة اكبورنة اتعلت
كل يوم بهبية وكل صباح بويد
مثل سف الحصير الزلم تتسلت

د.عريان السيد خلف

 

[mohammed.shams]

وٱنه ‫طبـــعي‬
مـا أشــم ‫‏ﻣـشموم‬ گبــلي
لـو ٱضــل بــلا هــوه

 

[mohammed.shams]

والشلب
ناهبله ﮔصبه م̷ـــِْن الشمس
ﮔبل الصبح
بسكوت

مظفر النواب

 

[mohammed.shams]

انتظر رفع العقوبة
لأسعد بـ لهفة لقى حرفية
كم قلتُ فيما مضى
الحب لك
رغم قيد الحرية

 

[mohammed.shams]

تكلي تهون
بيش تهون
اعمى وما موجوده عندي عيون
تااايه وبدرب مسكون
امشي بياا درب كلي
كبر جرحي وصفه بحلي
واحضنه كبال شماتي
واكلهم هذا اثر خلي

 

[mohammed.shams]

بيه شوك يهزله دنياا
وما كدر بسمك يصيح

 

[mohammed.shams]

فيضت،
عمرين بيه وعطشتني...
يل تعودنه اعله مايك غيرنه شلونه اليشربك.

#عريان_الخلف

 

[mohammed.shams]

احنـه فقـره
عـدنـه صنـدوكَـ بـزويـه
بس تفتـحه كلشي تلكَه
نيـه بيضـه
كَلب صافي
ولونْ جعـنه
نشبع باالله كريم

 

[mohammed.shams]

تضعضع حيلي من فركاك ونهار
وترك عيني الدمع ياحيف وانهار
كمت لاليل احس لاليل وانهار
ضعت وضيعت كلشي عليه