أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

إلى أم الطفل الشهيد

هزي كاروکچ چذب منا وغاد
تالي كل إحديثه مثلچ فالها
ربي من كثر الثكالى اعذرني أگول
العاجر بهذا البلد هنيالها

 

[mohammed.shams]

منو هز السمه وطحنه
اذا هو الذنب مكتوب
ليش نگله سامحنه
ليش اليخلقلنا ارگاب
يخلق ناس تذبحنا

 

[mohammed.shams]

اخذ روحي
اريد ادلل بگبري..
من لون الجفه..مليت
ناس تعيش وياها ولاتدري!!
تموت وصورتک..
تترس زوايه البيت
يما تدري..
شنوطعم الحبيبه الدوم ماتنلاح!
اخـذ عمري..
حته احرگ گلبهم..موش حته ارتاح..
.

 

[mohammed.shams]

نـفـس الـرگـظـه والـعـبـاس
بـس يـوسـف ابـملـگـه
و هـاي بـالـفـرگـه...

 

[mohammed.shams]

خليني على بالك من يجيك اليل
واذكرني بحلم من تغمض اجفونك
فراك الناس دمعه وفركتك يا ويل
وعمت عين النهار اليمر من دونك

 

[mohammed.shams]

مل من كلشي من ينعاد مرتين
ليش انت التعيدك مااملها .
تعبته بدعائي ايشيل الثكال
بس اثكال حبك كتله خلها.

 

[mohammed.shams]

تركضين .. أسرع منج الموت ..
ركضتج للأسف مابيها غاية ؟
عبالج يكبر ؟.. تشوفينة عريس ؟؟
الحكي .. لزفة أبنج عالمنايه ..
ضحكتة .. رسوم وجها .. صارن ارماد ..
شلون تميّزينه من الضحايه ؟؟
عباتج وين ؟ .. تحتاجينها اليوم !..
ترة مكطّع وليدج بالشضايه ..
بحضنج مستحيل اشلاءة تنشال ..
ارجعي وجيبي وياج العباية !..

 

[mohammed.shams]

تمنيت الهوى حجايات .. حتى أتنفس سوالـف
وتمنيت الگلب بيه عين
حتـى يشـوف .. مو ياهــو اليجــي يوالــف..

 

[mohammed.shams]

خليتك بسرداب فوكك متر صب
اصبح الواشي وياك من ياكتر طب

 

[mohammed.shams]

لاهم ولاهمين حتى اكدرالهن
غركت سفينة نوح من حملتهن