أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

احن لمسامرك والگاك شلگاك
شري المعشر حلاوة شوگ مابيك
ويظل صيفك صبر واتنطر شتاك
تبيع عزتك وبروحي انا اشريك ...
ابد ماسامرتني الاه لولاك
ولا عمري انطفى بليل المواعيد
الك چانت ياحلو الطول جيات
عجب تبخل علينا بجية العيد

 

[mohammed.shams]

حاير حيرة الميشوف اخرس مالكاله جفوف راحت منه اليحبها
رسالة تريد حتى تعود
هاي شلون يكتبها؟!!

 

[mohammed.shams]

هٓـم حـٓطت كـٓحل لعيونهآ الحـٓلوات
وهـٓنه بلآ كـٓحل بالشوف چتالات

 

[mohammed.shams]

الماعنده كَلب ولسان عنده يجوز مو كلش يخوف
بس يخوف الآن
وإلا لو صدكَـ چا هجي حتى النار ماعندها كَلب بس عدها بس لسان
الجوهر مو المنظر نقطة التشخيص
السم خشن لكن ناعمه الثعبان

 

[mohammed.shams]

ينهاب الغصن من يحب أيّده الفاس
وينهان السجن من يحب رجله افراج
العايش جيب واحد هوه والعاكَول
شمعرفه الندى شمحتاج ما محتاج

 

[mohammed.shams]

الحر مثل السهم ينولد خارج قوس
ويوصل للهدف من يترك النشاب
وشني يموت الجذر يندفن حته يعيش
وبس الروحه خضره يذب وراه تراب

 

[mohammed.shams]

الما يحس بولفه من يصفن عليه
لا يفك شباچ و يتاني الهوه

 

[mohammed.shams]

داويني يا صاحب جمبده وساهون
وطيورك زغيرة ترف بلا جنحان
داويني… داويني العشك هدني
وحلاتك ساحنة الروح
وطراوة شفتك ما ترحم التلفان
وك داويني يدافي من الثلج ومحيّر النهران
داويني… أصيح من الجمر، والجمر كبلي
يصيح بردان !.

الكبير جمعة الحلفي

 

[mohammed.shams]

شحسبالكم ؟ فترة ونسينه العشرة ياهو الكالكم؟؟
يوميه اشر اخدودي من تطلع شمس
واستقبل الليل بنياحه انعالكم
واصفن واحطكم مملحه برف الجرح
وابالي يوميه صوركم تنمسح
من التراب امسحها خلو ابالكم

الحبيب
عقيل العرد

 

[mohammed.shams]

شضال بيه !!
غير صفنات وسوالف مال
شايب موش أليه
غير ذيج الذكريات
الما تملني وضالة تباوع عليه
غير وادم چانوا أيصيحون
هنيالك يعاشك
هسة كواك الخطيه
غير يقتنعون عفتج
جذبت بس فرزنوني لمن كلتلهم منيه
چا شكلهم
همه ماشافوا كفاج ،،
الحيل يصرخ هاي
هيه !!
..