أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

اطرن هورهه مصكك واصيحنهن عليك جروح
يجحلن جالمطبجات الزرك صلهن يشوغ الروح
واجيك شراع ماهو شراع غركانه سفينة نوح

 

[mohammed.shams]

أواكح جني أيد تفوج ومكطوعه اصابعهه
اشوغ ويه الشمس ليفوك أشمس كاع مدفون بنباعيهه
تحفر بيه مساحيهه
واشمس روحي للسنبل يجي بروجة شمس للكاع يسكيهه
أبوس أيد اللي يسقي الكاع
ويحمل تمر ورصاص وسلاح بشرايعهه
أفه يا كاع ينبت بيج للواوي عنب
ويعرس عليج الذيب
باعوني عليهه وخضرت عيني بدمعهه وماني بايعهه

 

[mohammed.shams]

يمتى بگّذلتّچ قراصة يلگوني..
يمتى أحرث سمارچ وأزرعة بلوني ؟!..
يمعودين ما بية خلگ للشوگ..
أذا بيكم بخت دمعة طفل مبيوگ..
جوة من الزلف ترجية شدّوني..
بسمار لگلاديها على الكنتور دگّوني..
خيط بريسم وبالشال ضمّوني
وانتِ شبيچ
يل عفتيني غيمة بصيف
ما تدرين بيج مسافرة عيوني ..

 

[mohammed.shams]

صمني بيدك !
بلكي من تعرك اديك اتجيسني ابروده نده !

 

[mohammed.shams]

جذبة التعبان سهلة
من تسأله يكول زين

 

[mohammed.shams]

ماردت احبك حاولت...
من لفظة اسمك حاذرت..

 

[mohammed.shams]

دام الزين ماهو داري
عن حالي وكل أخباري
ماهو بالوصال إجباري
كل يجتمع باصراره

 

[mohammed.shams]

1. لازال الوفاء من طبعي
   لوبان الخلل ياربعي
   يبقى مثلما هو وضعي
   والعاقل حكيم أفكاره

   
   
   
   

 

[mohammed.shams]

من تمطر عليها .. افرح
اصيرن جوه گذلتها !!
واضوگ الماي من يسرح...

 

[mohammed.shams]

من تمطر عليها .. افرح
اصيرن جوه گذلتها !!
واضوگ الماي من يسرح...