أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

لاتجرح گلب وتعوفه مهموم ...
أريدك دوم تحمل مبدأ ألغيره ...
خليك أبتواضع ماشي ويه ألناس ...
حتى أتكون طيب لامع ألسيره ...

 

[mohammed.shams]

1. سهران وأبد ماشفت طعم ألنوم ...
   لأن مهموم گلبي وعايش أبحيره ...
   بسك يازمن خليني مره أرتاح ...
   شيصير ألبشر لو زاد تفكيره ...

   
   
   
   

 

[mohammed.shams]

1. دايخ بالزمن وألچاره مدري أشلون ...
   فديتك يافهد لمن أتغنيهه ...
   موال ألحزن صدگوني ياهلناس ...
   بلسم للجروح ألچنت خافيهه ...

   
   
   

 

[mohammed.shams]

يگلبي أشلون عايش تنبض أسنين ...
وأعرفك منجرح وشكثر حسراتك ...
ما أذكر حقد فد يوم عايش بيك ...
ليش أنته أبحزن وتعيش مأساتك ...
أوصفك ذيب أنته وتبقه لازم ذيب ...
ماريدك ضعيف ومن أجل شاتك ...
عليك ألناس دارت والزمن وألكون ...
وأنته ألطيبه وألأحسان مالاتك ...
أعرفنك يگلبي بالنهايه أتموت ...
وشوف أشلون تضحك تبقه شماتك ...

 

[mohammed.shams]

شامات أله عالخدود ...
يحچي علي دوم أبزود ...
أنخه ألله ألمعبود ...
أيلين أگليبه ألقاسي ...
شادهني شوگه ياخلگ ...
سكران منه أبلا عرگ ...
هوه ألثمر وأنه ألورگ ...
غيره فلا يحلالي ...

 

[mohammed.shams]

شكراً يازمن وأني ألك ممنون ...
عصفور بره ألقفص وأنه أبسجن مسجون ...
ألدنيا تفتر عكس ويه ألأصيل أتخون ...
والنذل عايش منسعد !!! بس والله كلهه أتهون ...

 

[mohammed.shams]

لاتفرح يشامت بينه وتلوم ...
ولك دنياك خايب والله غداره ...
يجيلك يوم تبچي وبالحزن مهموم ...
لأن هذا الزمن ماتعرف اسراره .......
اذا شمتان بيه ومبتسم فرحان ......
لاتنسه ابد دنياك دواره ...............
اقسملك قسم ماتبقه هيج ادوم ....
يل گلبك عليه صاير احجاره ...........
بس اني اعذرك عقلك ازغيرون .......
مايوصل العقلي ويوصل افكاره .......

 

[mohammed.shams]

ولك اطفر نهر ماطوله بعده ازغير ...
اذا يوسع ابد ماتكدر اطفره .........
======================

 

[mohammed.shams]

ابد مو مشكله لو نهري يوسع حيل ...
افوجن بالسباحه ولازم انعبـــــــــــــره ...

 

[mohammed.shams]

أني من أحچي أسولفلك يقين ...
لا ألف ولا أدور ولا ألح ...
ألزين زين أشما يذم بيه ألكلام ...
وألرذيل أيظل رذيل أشما يغطيه ألمدح ...