أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

يـحلو الاطبـاع واصلني... وقارب
ماعندي اهل غيرك ... وقـارب
سفينه بالبـحر ردتك ... وقـارب
تشيل الحمل من يثگل عليـــه

 

[mohammed.shams]

عيونك تصيب الگلب ...بسهام
يلي ابد ماشفت بهواك ...بسهام
انا طير المهاجر بالفضاء ... بسهام
اشوفك وانا تايه بالبريه

 

[mohammed.shams]

انا بگاروك حبك ... وانته هزني
صرت فرصه بحياتك ... وانتهزني
انه شجره محبتك ... وانته هزني
وخلي الورد يتناثر عليه

 

[mohammed.shams]

الك ياصاح ماظل - مني خاطر
واحسبه احساب دربك - من اخاطر
تعال كرب حبيبي - مني خاطر
تعرف اجنون حبك اسوه بيه

 

[mohammed.shams]

حبيبي لا تظن انساك ... ولهه
دوه الروحي غرامك صار ... ولهة
الشفة والعين ترد عليك ... ولها
تدعيلك كل صباح وكل مسيه

 

[mohammed.shams]

هلي وياهم چنت عايش ... بلاهم
ونهاري شماضوى مظلم ... بلاهم
هلي مدري الوكت شنهو ... بلاهم
ولاهم اعرفوا بالصار بيه

 

[mohammed.shams]

باب الدار بجفوفي ... لحني
وحنين النوك ما يوصل ... لحني
وطيت لكن اسهمك ... لحني
بوسط قلبي وطبيبي احتار بيه

 

[mohammed.shams]

قلبي انت ملكته ... وانت حر بيه
عليل وطبي عندك ... وانت حر بيه
كاس السم اشربه ... وانتحر بيه
اذا غيرك يمس اطراف اديه

 

[mohammed.shams]

على ضيم الهوى ياروح ...علمي
وبيها ارفعت اني اليوم ...علمي
اسالتها المستوى وتكول ... علمي
بخامس باء يالتسال عليه

 

[mohammed.shams]

جبت كلب ثاني حتى اكدر انساك
صارت مصيبة وحبك الثاني
عليك تعاركن هذا كتل ذاك
زعل كلبي على كلبي وموتاني