أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

كون حبك مو عشك هذا الزمان
كون حبك مال اهلنة الاولي
وكون كلبك ما يدورلي مكان
كون كلبك يا حبيبي كلة الي
وكون عمرك ما تحس لحظة بأمان
اله بحضاني تذوب وتنجلي

 

[mohammed.shams]

لون بأوصافك اتعشكَـ
جبل من الصبر يشهكَـ
تحن يمته شوكت وجه الثلج يعركَـ
تلمست الجرح بالليل واليم الضوه ادنيت
ردت اعرف نتل لو شكَـ
سمعت الروح ونت بيّ كاغد منتهي ملزكَـ
وياهو اليصرف الملزكَـ
تكَاطيع وصبر مابيّ كَبل مااجيسه يتشكَـكَ
وأذا تلحكَـ
وأذا دنياك مثل ام الغزالة بـ ليل
ماتدري وببنها توهمت تسحكَـ
.

 

[mohammed.shams]

واشتهيتك ليل جله
اه ياليل العتب مكصر غواه
بالمعاتب لحظه لو مر العمر
واه ياليل اليتاني شكد غثيث
اتكول ريل اهموم وموطر قهر
واني طبعي زناد والدنيه نثيث
وعلكه مامش والوكت رايد جمر
همي حالوب وذرى روحي سراب
وكابع بجلدي وستر ظيمك يخر
اشتهيتك مرود لعين العذاب
واشتهيتك رمش للفرحة مطر
واشتهيتك خزنة لو ضكني الزمان
واشتهيتك صوغة من غايب دهر
واشتهيتك ليل جله بلا عتاب
واشتهيتك ضحكة وي طرت فجر

 

[mohammed.shams]

كون شخصك ما يهم بشخص ثان
بس اريدك كون بية تبتلي
وكون كلك عاطفة ولهفة وحنان
حتى احسن بيك من عندي وإلي
...وكون دنيا تصير من روض وجنان
وكون اشوفن بيك كل ناسي وهلي
اني مِبحر من زمن كنا وكان
وهسة اريدك يا حبيبي ساحلي

 

[mohammed.shams]

كون ،وي فجر السوالف ،
تغبش عيوني عليك .

 

[mohammed.shams]

بعدني اتذكرك من تحجي وياي
وعلى شفافك حلاوة ينكط الصوت
واكابر بالحجي وماكول مشتاك
بس تريد الصدك مشتاقلك موت

 

[mohammed.shams]

أنت والدنيا وشتا الله
وخبصه الوادم وحظي
والضياع الماد رجله بوجه عمري
والأماني المدري ياهو الباك بيهن
والليالي التاخذ من الحيل من تريد تكظي...
والضوة الما يشتهيني
والهوا الما يعتنيني
من طفه وجهك بعيني
‏ "ذني كلهن يوجعني•

 

[mohammed.shams]

كون يمچ ...
حتى افرش رمش عيني ....
وانتي گدريه اعله گدچ
كون يمچ

 

[mohammed.shams]

الدنيا
مدري شلون فرشتلي الشليل
وفرهديتك
يوم عذالي التهوا

صاحب الضويري

 

[mohammed.shams]

ماعندك عذر ينكال للناس
يمي ومن حجيهم ماافتكيت
لهسه اكل بصبعي الاشرت بيه
عليك وبي الف نيشان خليت