أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

الا ياملهم اشعاري تعال نقلب الأوراق
ونكتب للغلا ذكرى قصيدة حب فكتابك
ونكتب في امانينا عسى الله لا يجيب افراق
واعيش العمرفي قربك مدام الروح تهنابك

 

[mohammed.shams]

ماتجيلي
مات جيلي
وانا بس منهم بقيت

 

[mohammed.shams]

منين كل هذا الدفو
وشدعوة هلكد دافية؟!
أخذي عافيتي ولو
بية قليلة العافية..
أسم الله لو هب الهوى
وفزز گصايب غافية..
بنص گلبي ربيتچ طفل
وصلت دمّعتة شفايفة..
وحنيتلچ گحلة ودمع
ضحكة وقصيدة وسالفة..
ما دام ضميتج نفس
مكسورة ليش وخايفة؟!
عيوني من فارگت أيدچ
دنيا ما نشفت بچيها..
فردي خصلة من الضفيرة
جيت أضم سنيني بيها..
روحج العلمتني أفرح
فصلت الضحكة بديها..

 

[mohammed.shams]

اذا مـو الـك اكتــب ما احـــس بشــوك
و انــه علــى مـودك اكتــب بشعــري
جربتــك هـواي و شفتـك اوفه النـاس
يــا اول حــبيـــب تحـمــلت قهـــري
تسألني بحياتي شكد تمـر اشكـــال...
لــيش انتـه الوحيـد الساكـن بفـكـري
و تسألني بحياتي شبيها من همـوم
ليش انه من اشوفك يطفى كل جمري
يــا اول مـحـطــه قلبــي بيـــه ارتـــاح
يا نـهــر الــحــنـان و بــالقـلـب يجــري

 

[mohammed.shams]

شگلك وآنه گايلك
غيرك مو رزق عيني

 

[mohammed.shams]

ذا جرحي تصير وبية تنزف حيل
اروف اجفون عيني والك ما روفك
كمت تامر علية وكلشي مني اتريد
وصرت مارد المحبس لبستة اجفوفك
مثل ام وتخلي بجيب ابنهة افلوس
شلتلك روحي كلهة وصرت مصروفك
بعد بس شي اسوي ابني الك ايمام
واجيب الناس يمك ندعي ونطوفك

 

[mohammed.shams]

فاركيت انت السفينة وآنا جايبلك بحر
مظفر النواب

 

[mohammed.shams]

اسم الله على كل حمال شايل عشكَـ
اسم الله على الفقره
وعلى كَلوب الصدك
اسم الله على فلانة
وحلم ذاك الزلف
وعابه الله كلمن ما غفه بطاري الزلف
والحمد لله اعله المشوا

 

[mohammed.shams]

دره بحالي بغيابك فقط بس رب
الاله الخله جمع الطير بسراب
بفعلتك سولفت للماي بس راب
الماي وراب جانه شلون بيه

 

[mohammed.shams]

اصبر الروح بيش و انت بيه الروح
و اذا تطلع اظلن بس جسد خالي
لكيتك من جنت ما لاكي كل الناس
انت اول محب و انت صرت تالي
يلكلك محبه و انت احن مخلوق
معقوله الحمامه اتصير كتالي
صح ماكو بجمالك اني ادري بهاي
و روجه رقتك ما كظها اي جالي
حرام اعليك تزعل ونته الصوج
اجيك انه اعتذر و بلا ذنب خالي