أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

مو كل حسرة تعرف قيمة الدخان
الجگارة بشفة المرتاح مو حلوه

 

[mohammed.shams]

روحــي .
متعلمــه على دربـــكـ
مثــل تربـــات الحمــامــه...
منيــن ماهـــدهـــا تجيـــكـ !!

 

[mohammed.shams]

وبعد مابيه حيل أبجي
أحاجي الصورة من أشتاك
بس الصورة ماتحجي

 

[mohammed.shams]

مااعوفج كفيلج الله
والسياب والنواب والحلفي
احبكِ بالفصيح هواي
وأموت عليج بالجلفي

 

[mohammed.shams]

جماله القاصي والداني شهد بيه
وخده صعد السكر شهد بيه
مجلب يسحل بروحي شهد بيه
تروح الروح لو راح من اديه

 

[mohammed.shams]

الصحبه تريد واحد رضع خوه وطيـــــــــب
اليحجي بظهر أخو هم ينحجي بظهره
...
الضحك وي صاحبه وشايل ابكلبــــه اعليه
باجر لو زعل لايحجي البصدره
...
الضم سر الصـــــــــــديقه بروحه كاعد بير
العايش ظلمه صعبه يوالف الكمره
...
تره الينطي بصديقه يمــــــــوت بين الناس
العين التعمه جي ماحفظت النظره
...
اليسوي الكلته راح يعيش مثل الطــــــــير
وشما تعب جنحه تصيحله الشجره..

 

[mohammed.shams]

چلمـات المعـاتب كِضـن

وانـت اعلـى طبـعك ذاك

لا نِفـع بيـك الـّوفة

ولاعتـب فـاد ويـاك

 

[mohammed.shams]

نزف فيض الكلب كثرت يراحاي
وصرت ميت انه اخلافك يرا حاي
ابهيدة اعليج من تمشي يراحاي
امردي ابراحتي وكلبي سويه

 

[mohammed.shams]

اصعب موقف بلحضات الوداع
من تشوف الجنت تبني تهدم
من تقوى گلبك وانته مجروح
مامهتم تبين وانته مهتم
من تبتسم بس بداخلك نوح
الدموع باب عينك سكته تلتم
تضطر تمشي لكن وانته مكسور
عزة نفسك تبررلك الهم
وراها تعيش لكن گلبك يموت
واحساسك الطيب يبدي يفهم
ماتحلم بعد بالعنك يروح
ومامسموحلك يوميه تندم
كل جروحنه وكل المعاناة
من ما وره الناس البيها نحلم

 

[mohammed.shams]

جمبذ خد ابو سمحات منفاك
الورد وارد يساهي العين من فاك
لو بين عليه جفاك منفاك
غصب روحي عليك اتحوش بيه