أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

حاجيني بنظرتك وافتهم شتريـــــــد
وخلي رموش عينك هية تسألنــــي
بس حرك رمش وآنه اعرف المقصود
وسولف بالتريده عنك وعنـــــــــــــي
صوتك من تسولف حقي اذوبن بيــه
...ماجنك تسولف جنك اتغنــــــــــي...
نظراتك طلاسم مالهـــــــــــن عراف
ساعة اذوب بيهن وساعة تكتلني.

 

[mohammed.shams]

مـن ضحكتك ..

فصلـّت شباچ يترسني ضوه
امتاع لغربتي

 

[mohammed.shams]

‏مرات٠٠٠

اشتهي الفزة بحلات الطيف
اضم منك ضوه الباچر

 

[mohammed.shams]

‏الگلب ...
مدري شجـــاه
قبل چنت أگدر عليـــــه
ألوي إذانه إيخاف منـــي
وهسه صرت أمشي وراه

 

[mohammed.shams]

أذن مؤذن عالهـجر ..
الله واكبر عالعشگ ..
جرح اليأذن عالملح ..
أشهـد وصالك مارحم ..
أشهـد وصالك قد جفه ..
أشهـد دليـلي ألمنجرح ..
أشهـد ولا عـندك وفـه ..
حي أعله كلمن مارحم ..
حي أعله كلمن مفترگ ..
حي أعله تعبي ألمانفع ..
حي أعله گلبي المحترگ ..
الله واكبر يا عشگ ..
تنهي المحبه بلا صدگ ..

 

[mohammed.shams]

وخصله خصله تطير روحي وتلتم ابالج ظفيرة
ومدري ليش
النسمة تاخذني وتذبني بغير ديرة
استغفرت نعناع زلفج
ياطعم خمر السكارى اتطوطحي بعيني الزغيره

 

[mohammed.shams]

1. ماتجيلي
   مات .... ...جيلي
   وانه بس منهم بقيت.

   
   
   
   

 

[mohammed.shams]

الساعه بالثنتين ها بشري خذوج
بيا بخت كادوج وبيا جف غشيم
زروقو سيارتج واني اشتهيت
خشبة التابوت ومغيسل قديم
هلهلو بجفاف وانه اسمع وراج
صوت الــ يكبر حلو كلش حنين
البركع ولون الجفن يتشابهون
الفرق بيناتهم صفكه وونين
من طلعتي ابابكم ماشفتي روح
غنت اعزاز وحريمه وتايبين
لون شاتل روحي چا هم خضريت
وچا صرت شجره وقسم للعاشكين
وشلت ريتي نفس من كاودوج
جفج وجفه فلا متوالمين
الورد كلي اشجابره ايعاشره شوج
وبكفاه عايفله شجرة دارسين

 

[mohammed.shams]

وبكلبك تضم كل جرح مامقصود •
وتردها لاكـن عود صدفهۂَ بصدفهۂَ

 

[mohammed.shams]

.ولا تگليلي شجاك
بوية مدري انتي شجاچ
انة مجنون وترس گلبي هواچ
ولو طاح السيف مني
گلبي الاعزل غزاچ .
__