أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

بزفتها اشيل الروح ل الله وادكها

والهلهلت من كون شرجي بحلكها

 

[mohammed.shams]

عليل وكون اطيبن يوم وابره
ومن ذنب الجنيته ارتاح وابره
عشرتي وياك عشرة ثوب وابره
يبززني واكول يروف بيه

 

[mohammed.shams]

بيدك فوضت نفسي تملك
والك منزل بدلالي تملك
وحقك لو ردت روحي تملك
اودك لو تراويني المنيه

 

[mohammed.shams]

احبك من تصل ليه واصل ليك
واكطع كلبي بفراكك وصل ليك
احسك ركعة كل ساعة اصليك
واصيح اللة واكبر حن علية

 

[mohammed.shams]

القلب مارف على غيرك ولامال,خلص من كثرة اودادك ولامال,ابد لاولف يانسني ولامال,الونس انتة حبيبي وهاي هية

 

[mohammed.shams]

حوار دارمي بين بنت الريف وبنت المدينه

بنت الريف
اهلا وسهلا بيج يمسيره للريف ..
ابهذا السلف كل بيت يتباه بالضيف

بنت المدينة
عدكم بهذا الريف حلوه الطيبعة
والنهر والاشجار صوره بديعه

بنت الريف
كلشي حلو بالريف حتى المحبة..
انعيش بمودة وخير والعشره طيبه

بنت المدينة
بنت المدينة اتعيش مابين العطور
وباحدث الازياء وبعالي القصور

بنت الريف
احنه عطرنه الهيل وباللبس راضين
وشوفي اشحلاة الدار وسط البساتين

بنت المدينة
عدنه الاكل وجبات كل وجبة من لون
وكل واحد من البيت كدامه ماعون

بنت الريف
يتصدر امن الريف اكل المدينة
وعدنه لذيذ الزاد من زرع ادينه

بنت المدينه
هاليوم ازور الريف باحلى الفساتين
وانتن ولو حلوات لكن مساكين

بنت الريف
ياخيه والعباس ابعز وهنه انعيش
وعدنه الكلوب انظاف مثل الدشاديش

بنت المدينة
بنت المدينه اهواي تهوى المظاهر
وتطلب العنده المال بنت الاكابر

بنت الريف
خيه احنه نهوى الزين واليستر الحال
والوفه ابهذا اليوم ماينشره ابمال

 

[mohammed.shams]

حسره شكبرهه عليك يل گاطع وياي

چن حسرة اهل الهور من وشل الماي

 

[mohammed.shams]

يشابهن بالضوك ملحك وملحي

بس اني الك عالزاد وانت اعله جرحي

 

[mohammed.shams]

والــلــه #صــعــبه
ويــن #تــلــگــه
واحــد يــحبك #صــحيــح
يطــيح گــبلك #مــن تــطيح
هــي #حــيــره
شــگــد #چــبيره
الأمــنت بــيــهم #جــفــوا
بــ لحــظه عنــي #تبــاعدوا

 

[mohammed.shams]

اذا شفت الشمس لاتطلع اترجاك
اخاف تشوف وجهك والشمس تخجل