أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

تعال ومر عليه حته لو رمضان ..
اشوفك عيد قبل العيد وافطر ..
حته أصيامي يفرق عن الاسلام ..
حسب جيتك يجوز يطول اشهر ..

 

[mohammed.shams]

تعال اشبيك ادخلك جنة اشعار ..
وافرك احله فره ابين الاسطر ..
ولك حته السمه من تحن علگاع ..
تظل تبچي ومطر علگاع تمطر ..

 

[mohammed.shams]

احاچي بروحي كل ضني احاچيك
وانام هواي بلك احلم ولاگيك
تعال ومر عليه حتى لو مشغول
لاتخلي الشماته تگول ناسيك

 

[mohammed.shams]

تعال أشعطلك ماجيتني أشبيك ؟ ..
اني وبيتنه وشارعنه ننطر ..
كلساع اطلع اسمع صوت عالباب ..
اثاري الباب ظل بروحه يسطر ..

 

[mohammed.shams]

منفوسات والله أسنيني وياك ..
عمر بيهن الم ويخلصن أبيوم ..
يمرني الليل بعدك كله صفنات ..
ينام براسي گام ويطرد النوم ..

 

[mohammed.shams]

من اذكر سهرنه وذيچ الايام ..
يشيب راس ليلي وتبچي النجوم ..
ويضيج الصدر وابقه اتوسل الناس ..
على نسمة هوى چن حال معدوم ..

 

[mohammed.shams]

1. وتستفحل صورك عله التفكير ..
   وبچفهن يظل كل بالي ملزوم ..
   ويتعبني السهر واتوسل النوم ..
   عله أعيوني اشوف اطيوفك اتحوم ..

   
   
   
   

 

[mohammed.shams]

لنسيانك نخيت الكاظم أبصوت ..
يلكاظم دخيلك گلبي ملچوم ..
ما رجعني مره بطلبه حاشاه ..
بس أبهاي ردني أمحمل أهموم ..

 

[mohammed.shams]

بوجه عشرتنه طلعت وك تجاعيد ..
كبرت رغم ما صارلهه چم يوم ..
عله الواقع مشيت بجدم الاحلام ..
وسحگت اچم حقيقه بغير مفهوم ..

 

[mohammed.shams]

امــام الـكـون بـيـك الـكـون .. مـاتـم
حـزيـن وبالـدلـيـل أعـلـيـك .. مـاتــم
شهـر الصـوم حيـف أويــاك .. مـاتـم
وصفـه عيـده حـزن وهمـوم اليـه