أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

اعلنها للناس اليوم حبيتك
يبعيون بجمالك حايرة الطلاب
وانه اول شخص بالكون حبيتك
تتباهه بجمالك جامعه بغداد
وتاخذك تحية اقسام كليتك
من تحجي بعيونك انه ارد بالعين
هاي اول اشارة وبيها دليتك
مرات ارد اعوفك لكن من تروح

 

[mohammed.shams]

اظل واكف بدرب الرجعة تانيتك
صح انت حلو ومتكبر ومغرور
لا تثكل علي كافي انهجم بيتك
مو ذاب الكلب ووصلت حد الموت
وانه اهلي وعمامي بكتلي باليتك
يالشالك ثولني ولعب بية لعوب
خبلني بألوانه وحرت من جيتك
كلها مكبله ومرتاحة هالطلاب

 

[mohammed.shams]

خلي كل الناس تفرح
شلي بيهم ؟
انتي عيدي

قبل لا نطفي الشموع
اشتعلي بيدي

 

[mohammed.shams]

وانه بلا كبل وانتظر برقيتك
من يوم العرفتك اعلنت اضراب
ازعل الدنيا كلها وانت راضيتك
يا دكتور كلبي ويا عميد الروح
انت استاذ عيني وصدري كليتك
اغار من الوكف وياك لو لحظات
ومن كد ما اغار اعذرني سبيتك
يالمنور العمادة وسنتر العشاك
ارجف وارتبك لو مرة لاكيتك
اكوم اقره شعر وبين هالطلاب
ريتك تفتهم يا منيتي ريتك
اجيتك ارد اصارح واكشف المستور
اريد اعرف يغالي شنهي تاليتك

 

[mohammed.shams]

ماعليك
سنيني ضاعن
فدوه الك بس لاتجيني
توني لملمت الدموع
وغمضت بجفاك عيني

 

[mohammed.shams]

اليحب من طرف واحد يكره الليل
وكون تصير جا من عمره شاله
بعدهه اغروب واسئل باليمرون
بيش الساعة والليل اشبقاله ؟
اصعب شي تحب المايحس بيك
شخص مايوم جيت انته اعله باله
احسد ظله جي ممدود عل كاع
واكولن كون اتمدد بداله
واتعمد امر من يمه مخصوص
خاطر بس خيالي يطخ خياله
امر ومايحس بلهفة الروح
مثل عيد ويمر اعله الثكاله
شلون ؟ اكتب رسالة واشرح الحال
واطلع ضيم كلبي واشكي حاله؟
ومثل اي ورقه اطبك روحي مرتين
وخليهه بظرف وي الرسالة ؟؟

 

[mohammed.shams]

مو ماكو منها وماگدرت انساها
ولا ماكو من گلبي ووفيت وياها
لو بيدي اعشگ وانعشگ بس الحيل
يا حيف هدني وچلّب بمگفاها

 

[mohammed.shams]

بعدما ايست من الصدف ذيچ
رحتلچ فدوه لمن جيت الاگيچ
ماجر النفس خليني مخنوگ
خاف الهوه شويه وما يكفيچ

 

[mohammed.shams]

عآيش ألمن ؟
لآ حظن يتلگه تعبي
ولآ إذن تسمع غنآي
آلبآيع آلدنيآ لأجلهم
بآيعيني

 

[mohammed.shams]

يلعزيز... العندك انا مو عزيز