أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

قَسَمِت عمري عله ايآم السنه
هيَ بس ليله الشفت بيهه الهنه
و السنين البآقيآت شلون يتسَمَن حيآة
جروح ما الهن ضمآد و لا دوه

 

[mohammed.shams]

خنگــة ماي
والعطشان
مايستوعب اليغرگ
وخطفه شوگ من بعيد
ماتتــرس عيون البال
كون الشوگ طگ بطگ

 

[mohammed.shams]

بالعـدّي والمنــاه واتقــرض ادوار
الراعي ينعد شيخ لو مرني خطار

 

[mohammed.shams]

صديقي الماخذ ابشوره ... ورايه
يطعن بالضهر ثاري ...... ورايه
علگ لافته بضيجي ....... ورايه
وأشوفه ابلاخجل يضحك عليه

 

[mohammed.shams]

صديقك عالغدر لايگ ... وراهم
وزين انته شفت غدرك .... وراهم
اني أگبال عيني اسمع ..... وراهم
أوكله الزاد ليش أيخون بيه

 

[mohammed.shams]

طلعــوا مــوش اخــوتــي المــا محسبــلهم ..
وانـــه مــن الضهــر وأسهــام اصــدلـــهم ..
طلعـــوا يـــا يــهود أشوايــت الله اعليـــك ..
طـــلع ذاك الحچي المــملــوح موش الهم ..

 

[mohammed.shams]

اضملهــم حچي يـــطلع أبــگــده اضعــاف ..
اضمــــه ويـــنكشف والنــوب اضمــلـهم ..
طـــلعت أمــخاوي شلــه للحيايــه اخـوان ..
والاعـــوج ذيــلــه طــلـــعت اتـــعودلـهم ..

 

[mohammed.shams]

عــمت عــين الوكت چي مانصف وياي ..
عوجنــي انــــه العدل والعــوج عـــدلهم ..
اضن جروا نفس من جنحي لاح الگـــاع ..
ومـا جـرولي چـف مـن صوتي صاحلهم ..

 

[mohammed.shams]

چنـهم كــيفــوا مــن يــوم طحت أبــضيج ..
وچنــــهم مــا رضوا مـن يـــوم گــمتــلهم ..
انا مــا ردت اســولف عــنهم أيــكبرون ..
ولا مــحتــاجهــم بــس ردت اگــلــلهــم ..
انه البي مرض بــالجسد مـو بالروح ..
وأبــو الـــروح النضيــفه مـــا يــهمــلهم ..

 

[mohammed.shams]

ابيتنا مراية قديمة
انكسرت وكسرتلي گلبي
گبل تسع سنين اذكر
بيها طالع وجه ابوي
وجه ابوي الله يرحمه
استغفر الله هواي زحمه
انة بالقرآن اعرف
هو مو مرحوم رحمه