أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

يبو درزن وجوه استهلكن بالسوم ..
وعله باب الخجل اخر وجه عفته ..
بعد مالك أعيون وتنكسر باللوم ..
ولا عندك وجه حته أتعرگ گصته ..

 

[mohammed.shams]

صحيح انته ضخم بس مو ضخامة روح ..
ضخامة كركدن بلوه ابتله أبجثته ..
الگمگم صح چبير ودلته لاذت بيه ..
لچن غصبن يدنگ راسه للدلته ..

 

[mohammed.shams]

وصحيح السيسبان أيلوذ بيه الياس ..
لچن ياهو صواني العرس عازمته ..
وصحيح الأثل عالي وفيه فوگ التين ..
لچن ياهو الچفوف أتوسلت سلته ..

 

[mohammed.shams]

وصحيح الجوري نام أبمنة الصفصاف ..
لچن ياهو الخشوم أتعنت الشمته ..
دخان المزابل يطم عين الكون ..
لچن عود البخور الحلفوا ابخته ..

 

[mohammed.shams]

ود العامري ارهه من ابو الحسنين ..
لچن ياهو اليلوذ المذنب أبگبتة ..
وياهو اللي ضربته أتعادل الصوبين ..
وياهو العل صراط اليعبر أبذمته ..

 

[mohammed.shams]

الفراش أيطير مفرد والجراد اسراب ..
لچن ياهوالحدايق تحتفي أبلمتة ..
فوگ أمن الخشم متعلي عرش العين ..
لچن تصرخ دمع لو سمعت أبطگته ..

 

[mohammed.shams]

1. مترهي الجبل بس ماتعافه أبيوم ..
   ولا شالت خشمهه أعله السفح قمته ..
   لتغرك سكتي كون خلگي أيطول ..
   البحر يكتل أبصوته ويرهب أبصمته ..

   
   
   
   

 

[mohammed.shams]

وليغرك مچانك كون عالي اتصير ..
شما يعله النخل ينشف گبل وكته ..
ولتغرك أزنودك كون مفتولات ..
ابو فاضل سحگهه أبلا زند تحته ..

 

[mohammed.shams]

ولتغرك حرثتك كون سهله اتصير ..
العلاس ابن عمي الما حفظ عمته ..
ابن عمي صدگ .. لچن خاله الذيب ..
اذا اتذيب الخال شترجة منه اخته ..

 

[mohammed.shams]

علي دله الحرامي وجابه نص الليل ..
اجه أوياه ايتختل نمت كل ضنته ..
على الخيبه أيتشلبه ضنته واطي السور ..
وحسباله يحوف ويترس الشمته ..