أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

شختلهن
اهمومي اهواي
ويه النوح يتعافن

احلف من افز بالليل سهرانات
گد ما سنطة ينشافن

 

[mohammed.shams]

‏اثاري الـي يمـر بفراك ..
كـل ذكرى التمر تعثر بعافيته

 

[mohammed.shams]

ماعندي صاحب زين حته انتجي اعليه
سر بعته الك ياحيف وانه ادري تحجيه

 

[mohammed.shams]

وجه متعوب
وشعر مليان شيب
امشي وسط اولايتي وچني غريب
حطوا بضلعي مخالب
والمخالب مال ذيب

 

[mohammed.shams]

صفنتلها
ولكيت الينفرد يرتاح من يبرد
ولكيت اليسال عله ناس
من يطيح ما يلكه ولا احد

 

[mohammed.shams]

تاه احسابنه #شنحسب
عليمن تشرح #وتـعتب

دنيا وضــــاع بيها #الزين
واتساوه الگشر #واللب

ناس وعايشه #بوجهـين
حيرة شتكره #وشتحب

 

[mohammed.shams]

انام وما يجيني النوم
ومل من السهر وسهر
واشد خلكي ويه خلك الليل
وعاين للفجر مامر
شلون اغفه ونه بهل حال
كلب متلفلف بخنجر

 

[mohammed.shams]

شايف من تحب انسان مايهتم
من تلگة اعله خدك مو دمع دم
من تقره الرسايل مو نظر شم
من يمشي وي غيرك وانته مشمور
من تگله خون بكلشي معذور /:

 

[mohammed.shams]

قلوبنا ماتحتمل بعد الأقراب
فيها مايكفيها من اللي يغيبون
من كثر مانسمع عن جروح الأحباب
خفنا من الحب .. ومن اللي يحبون

 

[mohammed.shams]

واني خايف ...
لا تجيني الوادم المابيهه خير
تكلي خيرك !! .