أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

اهن كاسين بيهن كاس مسموم ...
اخاف اغلط وبالمسموم اكاسر

 

[mohammed.shams]

لاتكثر بالضحــك حتــى بشقــاك

الدنيــا عثــره وناسنه تــحب اليطيــح

 

[mohammed.shams]

لميتهن كل هلا كل هلا

من جنت اشوف اعيونهااا ...

وطشيتهن طشت ورد

من رادوا يشيعونهااا .....

ما مفكر بالحلم لا بصدك
محبوبتي شمامتي يغشونهااا ...

ليسمعني يكول ميتله ولف
جنازة وبدله بيضه ورموش وعيون يغطونهااا ...

وإني احلفلك حلف محبوبتي يزفونهاا . .

جنت واكف وانتظر بلكي تدير اعيونهاا
وهي تدري وانه احبه وهي روحي وما اعيش بدونها ....
يااا حسافه ظحكت اشفافي ما غزرت بعيونهااا ..

المهم ...
صعدت والباب من رادوا يطبكونهاا
روحي شهكت وما عرفت بلونهااا .....

هااااا شهكت يتيم
وحيد امه
وامه ماتت من اله من دونهااا ...

راحت ...
والهلال : أيامنا وعشرتنااا وسوالفناا وظحكنه وكلمة احبك وما انام إلا على صدرك .... طشروهن بوجوهنااا

 

[mohammed.shams]

وحق من انزل القرآن . .....بي حاء
الك سُوَر الگلب مفتوح....... بيحاء
كلام العندي إلك معروف.... بيحاء
و عليك الله انت تكملي البقيه...

عليك الله حرف يا ترف .....حط باء
تعب گلبي و كلام الناس ....حط باء
اوضحلك بعد شتريد.... .....حط باء
حــاء و بــاء اجمعهـــن اليه....

حاء وباء حب اتصير......... لو لا
يمن لولتك لان مابيك........ لولا
اورجك ودي عـ الدلال..... لو لا
خايف تضحــك الوادم عليـه.

 

[mohammed.shams]

ابشرك خلصوا
مابقوا عندي هواي ..
كل المشتريهم رخصوا بيه
اصافحهم
واحس باطراف اديهم غيض
جن كاتل منهم وما دافع الديه

 

[mohammed.shams]

سهر بردي .. وجحيل ازركَـ
يل خشبة الكَلب لو طكَـ

 

[mohammed.shams]

اني كل ليلة بجفاگم

تشبع خدودي مطر

ايد ترگض ع الجگارة

وايد ترگض ع الصور

 

[mohammed.shams]

‏شكدبريء اليحط لمساته بكنيسه وهو مسلم
وشكد وحش الي يبوگ ناسه وهو عالقرآن يقسم !

 

[mohammed.shams]

جانت ..
تكَلي أخذ كَلبي ينام بحضن كَلبك..
وجانت
تكلي بكثر حب العطش للماي أحبک
وأبقى احبک
حتى لو كل يوم تچتلني وترد تحييني أحبک.

 

[mohammed.shams]

الشص بـ لهاتي !
وشايغ من العض
ويگلي السفيه
المنتچي ، المرتاح ، تتعوض !