أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

‏صفينا بلا سوالف بس نسولف بيك
واذا نسكت تسولف بيك سكتتنا

 

[mohammed.shams]

طشت اسنين المحبة
ومن بگاياهن شلم ؟

مرة تغفه جروحي بيه
ومره احنن وانلچم

 

[mohammed.shams]

شايف من تحن .........للمايفگدونك

وتذكرهم بكلشي .......ومايذكرونك

وتخلص دموعك وتلگاهم .......يضحكون

ذيج الساعه تتمنه .............عمة عيونك

 

[mohammed.shams]

‏سولف بس اعله كيفك
گطره گطره..

روحي نقطة ضعف عدها
من تشوف وجوه سمرة !

 

[mohammed.shams]

يــ روحـي شبـيج
هـوه القاسمه الله يصير
لـو بفراگ لـو ملـگه
لـو نگضـي العـمر بهـموم
لـو بـــ محـاضــن وشــبگه

 

[mohammed.shams]

إذا تعرف بنفسك زين ومعدل

ميهم لو يذمونك

رادو بيك نيتة سوء بلمكفه
كل همهم يطيحونك

أضحك لو شفت غربان تتمرجل
جبل واكف ميدرونك

انت الصكر لو مر بيك بلصدفه
يطيح بخزرة عيونك

 

[mohammed.shams]

لَك عينك ضحكّتك مستحاك
ذني ماخلني ٲعيش براحتي؟

 

[mohammed.shams]

منتظرك او واكف بس هدم عالباب
استعجلي ابمشيتك كبر الخطوة
وانطيني ع كد عقلي ارد احظنك حيل
واطلع شكو بروحك ناس ماتسوى

 

[mohammed.shams]

لزواج_القاصرات

تآخذني عروس بعمر تسع سنين
وتزفّني لمگّبرة وتريد أغنّيلك !..
بيوم العرس ما راح أحچي كلمة وياك
راح أسّكت ولعّاباتي تحچيلك..
وأذا خّلف طفل محتارة أظل وياه
يوليدي تلوليلي ألوليلك !..
بس أكبر أگّل لله كلشي الصار
شلون أخّتنّگت أحلامي بزناجيلك..
شلون أنباع عمري لناس ميرحمون
تذّبح ضحّكتي وترجع تصلّيلك..

 

[mohammed.shams]

مدري ياهو
بروحي يصرخ
حيل مشتاك الهواهم