أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

عايش عليهه

گلب بـ اوراق عمرك
ناس راحــوا
ناس اجــوا
ناس رايدهم يظلون ومشوا

اكو ناس تعوفهم ترتاح منهم
ناس ظلتهم حمل
واكو ناس طيوفهم
تگعد بـ راسك مثل خرخاشة بحجل ..

سيد سعيد الشريفي

 

[mohammed.shams]

چانت مدري اشكد اتحبني ؟
بس صوچي اتغيرت اعليها

چانت اترف من الورده
وفلاح انه .... وما اسگيها

تهتم . بس انه الهاملهه
وما ادري شبيها وما بيها ؟

تركض وتحاچيني بلهفه
وبارد عشگي وممدفيها

گالتلي الكحل البعيوني
منك انته

وتكحلت بيه وما عرفت
تالي اعميها

بس ندمان بگد الراحو
ضيعت الگمره امن چفوفي

-و ويه النجمات مگضيهه


احمد ابراهيم

 

[mohammed.shams]

لمحتلك الف مره
وأنت تعرف غايتي وما طاوعتني
وسولفتلك سالفة عاشگ خجول
وانته تعرف هوه اني ، ما عرفته وخجلتني
ليش من گلبك رجف ما صارحتني



لـ جبار رشيد

 

[mohammed.shams]

بعديش

بعد مامات گلبي
وصار مايشتاگ ؟

بعد ماراسي شيب
من كثر الفـراگ ؟

عفتني بوكت
ماعندي بس دمعات

 

[mohammed.shams]

مثل وحده غريبه
ومنها كلشي انباگ

عفتني بطرگ روحـي
اون من كثرة اجروحي

وهسه جاي

 

[mohammed.shams]

يعجبني الجرح لو لاگه شمات
يضم روحه بحيث يبين التم
وتعجبني السيوف بچف السباع
يحمرها الخجل لو مالگت دم
اذا انت شفت لتگول ماشوف
تحجي العين اذا اللسانك تلعثم

 

[mohammed.shams]

والشوگ...هز الگلب

والگنطرة بعيدة

لـ ذياب گزار

 

[mohammed.shams]

لايگلبي كافي تحرك روحك بشبّاچ منسي
تصير نكتة وسالفة بحلك الستاير
آنا اريدك وحدك
تسولف • تطير • تموت وحدك
مثل دخان الجگاير

 

[mohammed.shams]

وعله المامش
شايل اسنين العمر شدة أماني

 

[mohammed.shams]

مشه بيه جرحهم
مثل فطر الجام
ما يرهمله جارة
وبس اون سكته