أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

آه يالگلك تناقض

خدك وگلبك عجايب

صورة مو طبق الاصل

خدك بلون الوفر ليلة ضباب

وگلبك بلون الكحل

چان همك تستغلني

وغصن المكابر بروحي اترسه ذل

الگاطع

 

[mohammed.shams]

ليل ازرك بحــضن الـهور اچـي
وحدي اعله گـلب الطين اخط اسمک •

واغمـض عيني واتخيل
واحطن بالجـفن رسمـك.!

واكـلك ليش
يلـ عطرک شريـج بـعمبر المشاخب
انه احتاجك هوه وتبخل اعلي شمه


لـ حسين المرياني

 

[mohammed.shams]

چــلمة حبيبي انتهت شاخـتار الك چلمة
وانــت بحلاتك شـعر وبمشـيتك نغـمة
إمـشــي عــلَى نبـض الگــلب
يالــزحـمتك رحـمة..!

زلفين ويه الوجه ليلين وهلالين
لو تحجي لو تبتسم كل چلمة منك دين
غربة وغريب الدرب واثنينه متيهين
چـا ليش هالمستحة من نصد عين بعين

كل لحظة منك حلم يردني لصبايه الراح
يلطرزت دنيتي نجوم ووفه وقداح
لو ضگت مر فرگتك والدمع حنّه الراح
بياريح اصل ديرتك ويا طير ينطي جناح

 

[mohammed.shams]

يا ريحـــت الما وفو
تحـــرگني كلــما تهب
ياگلبي لاتنتظر
انه الجبرتك تحب
متعود اعشگ صدگ️
وأحنه بزمان اللعب

 

[mohammed.shams]

شماته وليل غربه ،- وچلمه الياحيف ،- يلتمن دمع ويطيحن بخدي "

عريان السيد خلف

 

[mohammed.shams]

الهلا لهل الهلا والي يهلي
كبل سامعها اني من اهلي
حجاية عند الناس معروفه بالريف
الكال مية هله
تلكه روحه معدله
وان جان مامش خبز
يحط روحه رغيف

 

[mohammed.shams]

لا تغفه يا هور الحزن
تابوت اجاك من الگصب
وبهداي حطه اعله الجرف
ومحمداوي من الگلب غنيله

 

[mohammed.shams]

هوه مو ياهو اليجي نسميه صديق
وهوه مو كلمن يدك صدره سبع
الصحبه تحتاج الذي كلبه جبير
ومو على الما تسوه ويعوف الربع

 

[mohammed.shams]

ابجي بس بلا دمع
بلايه صوت الينسمع !
والله شده ،،
أشلون اطلع من صفنتي ؟
داخ راسي :
من البجي الماينسمع

 

[mohammed.shams]

جيتك بليلة شتا..ظلمه ومطرها رشكَ

وشبعده صار الدرب
خوف ..ورعيد..وثلج
وجفوف اديه زركَ

ابابك طحت..ها كَمت ... ؟
ضميت ايديه وردت عالباب بالروح ادگ

بس كَالوا المن تدك ؟