أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

‏انه بلياك مدري شبيه مابيه ..
زلف وبلايه ترچيه ...
درب مابيه كل جيه...
نهر فاض وتبع ميه
رجع بس مالگاله جروف
كون تشوف
روحي شخله بيها الخوف
مطلوبة نذر وتخاف
ماتوصل حضرتك من بعيـد تطوف

 

[mohammed.shams]

‏بالضحكه الوذ من اختنك
ماعندي واهس..للبجي
جن شمعه بسكوت احترك
مالايك.وياي...الحجي
هيج انه من اوكع جبل
ماترهم اصلا...انتجي

 

[mohammed.shams]

شفت گلبي طفل مفطوم

وي غيرك ولا يسلك

وشفت روحي آعله گدك ويست رديت

أنه الـ ماكول حگه ويستحي ايگلك

سعد هاشم الزبيدي

 

[mohammed.shams]

مجبور المگص يگضي العمر جوعان
يسد حلگه ولگمته تطيح من حلگه...

 

[mohammed.shams]

مو بس ملح. حطيت صدكوني بالزاد
فص عيني من حطيت وي ربعي ما فاد

 

[mohammed.shams]

‏ومتانيك...
‏ومتاني المحنه البيك تچهبني
‏ضل ابعيد... ومجافيني
‏بس حبني

 

[mohammed.shams]

البنت...
سولفلي جدي أشلون من چنت گدي ..
صايه لبسكم چان لو چنت افندي ..؟

 

[mohammed.shams]

الشايب..
چان الغني بالناس والوضعه تازه ..
حافي وبلايه انعال وهدومه بازه ..

 

[mohammed.shams]

البنت ..
احچيلي شطبخون شنهو الاكل چان ..
ومن يمر بيك الليل اتنامه شبعان ..؟

 

[mohammed.shams]

الشايب ..
لا والله چنه بعوز نتغطه ونبات ..
واكثر عشانه ايصير روبه وخلالات ..