أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

يخيعون النسيم ليشبك زلوفج


الكاطع

 

[mohammed.shams]

وصي امك
بعد لتغار ولك مامش گلب غيري عليك يغار


علي الشباني

 

[mohammed.shams]

خفت ماردت ازعلك من نويت تروح
يمك مابجيت الدمع كضيتة
رسم حطيتلك بسمه بثواني وداع
لا مو بسمة هاي الجرح حطيتة
انه مابين بسمه ودمعه ضكت الموت
من كتلك تروح الطعم حسيتة
ولان ساعتهه احس الدمع شي ممنوع
اظن من ما وراك الدمع حبييته
جنت مامنتبهلي البسمه جانت زور
انه يوسط روحي الصخر بجيته
لان مارتك تحس بالدمع مجبور
عن صوت الجروح الدمع غضيتة
حولت الدمع يمك لنظرة شوك
وحولت المناشغ ضحك سويتة
من ساعتهه ذيج وماحجيت الصار
بس يمكن بدمعي الخبر طشيتة

 

[mohammed.shams]

انه البركان البكلبي يشب كون
يريت الماخذك مني يشب كون
أموتن لو شفت وادم يشبكون
بربعهم واني ربعي تخون بيه

 

[mohammed.shams]

براحتي
اني اطرب وين ماريد

انت موماي الاشربه ولاهوى ،
انت لوحاضني ماروح الغريب
من كثر مافرفحت جنحي قوى

 

[mohammed.shams]

لآ هيّه کسرة گلب والعاذره ظنونک
ولا هيّه دمعة جذب والگاها بعيونک
والمشکله الحبتَک ، وشَل ضواهـّا
لچن ما تعرف تخونک

 

[mohammed.shams]

خم ربعك عدل لا تطرب اويه الصيت
واكتب زينهم والشين هم كتبه
ولتظن كل بشر يوكف بعينه الزين
تره بعين ابرهة ماوكفت الكعبة
اليسولفلك جذب خل حصته لمكفاك
الما يحجي ابخت لتروحله بعتبه
البفعاله قزم ويريد يعله اعليك
حياك الله كله وعوفه يتشلبه....

 

[mohammed.shams]

اريد اصفی ويه روحي وارد اراضيها
واريد امسح غبار ال مارحم بيها
اريد ازرع ورد بس كون جرحي يطيب
ومحطات ال مشو مااريد امر بيها
أريد ريح ياخذني على ديرة ناس
توعد من صدگ وتوفي تاليهه

 

[mohammed.shams]

ياگمــر
هلبت شفتــهم
گول كونك صادفتهم
إحچيلنه ؟!
شـ بيهم
شـ جاهم
ليش خلّونه بدربهــم
وهمه يدرون بـ دمعنه
تلومنه الـ وادم وراهم
ياگمــر
والـ مايغمضن
محد بـ گدنه بچاهم
أخ ياشوغة جفاهم !!!!

 

[mohammed.shams]

عجبت منك ومني .. يا منية المتمني.
ادنيتنى منك حتى ... ظننت أنك أني
وغبت فى الوجد حتى..افنيتني بك عني.
يانعمتي فى حياتي.. وراحتي بعد دفني
مالى بغيرك انس .. إذ كنت خوفي و أمني