أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

شمدرينه الأحلام الما نحققها يجي يوم وتبچّينه .

 

[mohammed.shams]

ولو مجروح جرح الجسم ميهمني
يهيد الالم ساعه
وساعه يرحمني
شيفيد الدوه لو روحي توجعني ؟

- حمزة الحلفي

 

[mohammed.shams]

غير ادري سافرتي ، شبعد

بليل اباوع غرفتج

بلكت تهز البرده

لـ كرار سالم

 

[mohammed.shams]

شگثر رادو يحبوني ولا يمي ..
محد شآف بـ عيوني شگبر همي !

 

[mohammed.shams]

تذكر لكيتك نده وطشرت بية
من عدها شلتك حرز جارحني يوميا

 

[mohammed.shams]

‏ها اجيت
شجابك انت
وين هالفترة جنت .. ؟
الفاتحة شگد قاريها الك
والله حسبالي متت

 

[mohammed.shams]

يهنــياله الذكــر خلّه

اولگــه الضحكه اعله گــد ســنّه

ويــهنياله اليــدفنه الليــل وابنادم نــشد عنــّه.

 

[mohammed.shams]

‏ومـرات اليـتوب سنـين
يرجـع يشـتهي ذنـوبه

 

[mohammed.shams]

‏منين ابچيك ؟
دليني البچي بيا باب

منين ابچيك ؟
شتا عيون الـ يموت ، عتاب

و انت هناك ، درب مثل العذر ملتف
جرح مثل الشمع بالظلمه ما ينشف

منين ابچيك ؟
عيوني سوار ضايع يم گبر بالليل
و ادية ( اسم الله )
تركض على ادموعي الـ حيل

 

[mohammed.shams]

أنا وحبيبى صوتان
فى شفةٍ واحده
أنا لحبيبى ...
وحبيبى لنجمته الشارده
وندخل فى الحلم
لكنّه يتباطأ كى لا نراه
وحين ينام حبيبى
أصحو لكى أحرس الحلم مما يراه