أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

الروحه متنسيه ابقطار
اشلون اقنعنه ابحضن
المالمس حچي الترافـه
يطعن ابظهر الگطن

 

[mohammed.shams]

وشنهے حگهه اچليمـة
القسمه التفرگنه غصب
ودْري من تعصـر عيوني
ايطيح منهه اجدام متعوبة درب
وبيه فهوة سيف ماواعي ابحـرب

 

[mohammed.shams]

بجدام هجرك روحي من چلّبت
عتيتها وچفي علي ردّته

بجفاك مااگلك گطعت النِفس
مخنوگ ريتي بغيبتك جرّته

حسيتك إتصد من بده اول عذر
الملگه من ينعز تِذل لهفته

الجدم من يثگل مشيها بدرب
عدها درب ثاني وعلي خفّته ..

 

[mohammed.shams]

ندهت إطيوفك لهفتـي
وصوب المرايا إنتچيت

فززت شبّاچ داري
وطرّزت دربك بشوفي، وما إجيت

صرت سالوفة نخل وبلسن فوس
بكثر فرگاك إنحچيت ..

 

[mohammed.shams]

ثاريني جنح متعوب رافگ كل قفص بالگاع
كل ما صفنه بيه اتطير
افز منها واطيح بساع

اغمّض شاربتني الآه
ويفز التعب عطشان
ينشدني اعله حيلي الضاع
وكت بي غفه عيوني انسام بسواگ السهر وانباع ..

 

[mohammed.shams]

يشتلة ماي أحصدك وين ؟ تطوف إبسچة العاگول شموازيك !!
وانه بستان متلگيك
يمن لو بإلنِفس تنسام چا بعزاز ريتي أشريك !!


إيما صباح

 

[mohammed.shams]

فضّيت العمر موّال
وانا أدريك موسم شوگ لـاچنّك شِحيح إوصال
مـا گالِتك ياهـو إلگال ؟

صغتك للسوالف طوگ
زفّيتـك عطـش للنـوگ
وعثر ليلي إعله آهي وطال

أثاري إلليل يشعل طيف من يسمع عـرس ينگال ...

 

[mohammed.shams]

انت ولذّتك، روحـي

أعز من الهوى إبليّاك
أعزك وانت ابو إجروحي

أريد أبچيك حد ما ينّصب تمثال من نوحي
إشتريد الناس من نوحي ؟

 

[mohammed.shams]

إخذني لشمْعِتك ظلمه خطاها الشيب
الماي إمراية الگمره
العطش ماينذم ءمن إيغيب .

 

[mohammed.shams]

أريـدن درب يندلنـي
يتبع خطوة إجدامي
يفهم گنطرة خوفي ويعٓبر أيّامي جدامي
هلي ءمن اچهب عليكم تيه
دلوني على أحلامي .