أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

أنه بليّاك شجره مفارگه إلماي

وطير بلا جنح ما يگدر يطير


لـ عريان السيد خلف

 

[mohammed.shams]

ما يلم التايهين اشراع
والليل انجفه بالماي محتل
وانه ماصادفت روحي
شلون اصادف لوني واندل
وكلهه غربه
الماي والناس
وسمه الله وكلهه تسأل

 

[mohammed.shams]

ثگل نومي
وكمت مافز بعد عالصوت،
افز من يرفس بعيني حلم ويموت

 

[mohammed.shams]

خرسة البوب
ولا دگة جرس
يجفل عليهه الگلب
والعثرة تشك الثوب

ريسان الخزعلي

 

[mohammed.shams]

وره ما عودتها لروحي تهـواك ...
بٲثرها اخيـال طولك ضال يلتم ...
يالـمسهر ضواي الشمعه بت ناس
ماتنكاد اذا جـفك هوا اشــتم. ...
عفـت سجيـنتك ترفـس بالرڮاب
واقـنع نحري اكـله تهون اذا دم ..
شنـي ما اخذته مني و هسه انعاب؟
لـيش ارﭼيـﭷ وجهك عنـي و انضـم ..
نڮاب و عيـبك امن يجيسك تراب ...
و انـه ابيض روح بس زورگها اثر هم ...
كلشي بغيرك انـدل سـره واقراه ...
و من اوصل لحدك ما امعلــم...
شـامـت خدك الـخلتني انهـار
وانهـار اعله خدي وشامت ايذم
گلبي شكد جزيـته بـهجرك هواي
ولحـد هالسـاعه هاي و ماتنَدم ...

 

[mohammed.shams]

هزني الشوگ گوة
واشتهيت انحب

انه مرتب عشگ واسهر للمرتب..........
سولفلي عشگ حتى استلذ بالليل
اسولفلك غزل مايعتگ ويخرب


كاظم اسماعيل الكاطع

 

[mohammed.shams]

صخم وجه ريتي التتن ً


ضعفان كلشي بغيبتك


بس الوجع بيه سمن

 

[mohammed.shams]

يطيح الوكفك مو عيب
بس عيب

تبقى انتة اعلة طولك لمن يطيح

غلط عكازتك تشمرهه ع الغير
هوة الينجرح بس انتة التطيح

عبد الحسين الحلفي

 

[mohammed.shams]

آه من وحشة الصمت
لم يبقى في علبتي
غير عودٍ يزيد الظلام انطفاءً

مظفر النواب

 

[mooj]

..

بَعدني اشتاك وأدعيلَك
بَعدني لهسة تغنيلَك
بَعدني من اگعد لوَحدي
مكان بصفي اخليلَك

..