أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

اردح يشامـت حيـل دوس اعلـه جرحـي حنظـل زمانـي اويـاي ولغيـري برحـي

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

جبنه الدنيا بس ها
تكضي هسه تهون ___وهي الماكضت وأحنه الكضينه...

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

بعد ما اريد جيتك لو گضه الليل.. اليمر ليه الصبح شلي بشمعته..

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

بعد لَتظن

تحايلني المودة وليك روحي اتحن

وبعد لتظن

تكَاوي مشتتاتي

وبيك بس أصفن

وأبد لتظن

يضوكَ الدمع عيني

ويطفح المجمن

مالازم فرح

كون اليحب مذلول

وبشوفة عيونك عل يحبها اتمن

انا بروحي اليتم من لحظة الميلاد

وشيكلف اليتيم الحزن من يحزن ؟


عريان السيد خلف

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

بعد بيّه الصبر واجد

يشب بيدي المكابر . نار تلهم باث

يكَضيني الشرار وطبعي أضل بارد

أزم شفّه اعله شفه

وناب يخلف ناب

كل واحد شكل ، وصوابهن واحد

مكَالب ، والليالي تريد وَسعة بال

وهموم العَلَي ما مرّن ابواحد

كفاني اترفعت عن جلمة الياحيف

وسهمي اشمانكَض ، من هالوكت زايد

أكابر عالنزف

حدّ وشلة النتّاك

دامَنته وجزت . لا جَبِّر ولا شِد

كَبل مهره احلامي

تضل باثرها الخيل

هسه إشما اعسها . امحدّده اتحِدّدد

ومشاجج زماني وياي

عين ابعين

اتمهمز الكَومه ، وصاح بيّه إكَعد

حجّرني الصبر . لا سَمِح لا مغتاض

حالي لحالتي . لا وادِد . ولا ضِد

لا مَلكَه اليدب بالروح

دَفكَة روح

ولا عصرة حزن للراد عني إيصد

خلها إشما تصح . خنياب لو صيهود

طيّبت النفس .

لا طيّر . ولا سِد .

لا طيب الحليب

إيحرّك الوجدان

ولا صاحب وفي

العند الضنك ينشد

بس مجمع عجارب . ويل للغفلان

تتناوبه ابسمها وبالعجل تلبد

صحبة ليل كاس

وكهكهة غُمّان

محاببهم جذب ومزاحهم بارد


عريان السيد خلف

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

عانديت اليوم گلبي
وشگگيت اوراق هجرك كلمة كلمة

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

الغيم مد ايده اعله راسي والمطر شد حيله
الليله اموت
الليله كلبي ينام دافي
وتندفن وياه حرارة جيله

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

جَمّلني بعد كَطره وخذني وياك

هناك . الفيض كَلبك

حتى روحي تنام

عصفورة جرف . بلل جنحها الكَيض

اخذني وياك

امشي بغير واهس

والطوار كَصار

وعيوني غُرُب . وجفوف إديّه اوداع

واسمي ابغير معنى

وميل كحلك غاب

ونمشدني اعله كَلبي

كَلبي حب وذاب

يا كَلبي حلكَ تنور ، لو سرداب ؟

صوَغني ، ولو من ليلكم نجمه

تِبات وياي

ومن تشبع سهر

ويجيسها الوهواس

اطفّيها ابصبح

والغبشه رشكَة ماي

واشعلني وَلع

يدّوي العطش بالعود

حتى انزع جلد روحي

وارد لصباي

أمّلني الفرح بسمَك . ورد عالباب

فاحَت ريحتَه ، ولّنّك بعد ماجاي

بعد ماجاي .

من يا صوت اصيحك

والصدى ايجاريك

واكَلك : مَكََدرت ، يالتكَدر ابليّاي


عريان السيد خلف

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

مشتهـيك
وگلـبي مثل الطير ويرفرف عليك
يمتـه_أشـوفـك
ولـو تواعدنـي بحلـم هميـن أجيك
مـرلـي غبشـه
مـرلـي نسمـه
مـرلـي طيـف
لا تـظم شـوگـك حـبيبي
وأني أدري الـبيه بيـك
أرد أشـوفـك..
أرد أحـضنـك
وأنسـه كـل أهـمومي بيك...

حلال الوادم ï»؟

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

جبتها
من اول الغبشه لحد ماتاخت السچه
خلگ زاتوت ولا للملگه شراية