أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

أخونچ بالوعد ؟ لا يآ شريچه الرآي ،
ي مطلعه البنآت من الگلب حفآي .

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

وشميت عطابك رغم حجيك هيل

صادق_طلال

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

يطيح الوكَفك موعيب بس عيب
تبقه انت عله طولك لمن ايطيح
او مو مشكلة شراع ابريح اذا طاح
بس المشكله شراع انكَلب ريح
او موعيب السفن ترجف من الروج
المصيبة عل سفن تضحك ملاليح
او طبع بل سفن تمشي بكيف سفان
وذا سفان ماكو بكيفهه اديح
موكلشي حلو بس حلو تلكَاه
النهر كلش حلو بس بي تماسيح
مثل السيف بيدك يكتل اعداك
بيد اعداك يجعل دمك ايسيح
الحبل مكروه من ايشد ركبتك
بس اشكد حلو يصبح مراجيح
غلط عكازتك تشمرهه عل غير
هوه الينجرح بس انته لطيح


الراحل
عبد الحسين الحلفي

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

‏أمس ..
طشّيتك على الأيام ..
صم نسيان ..
وسوّيتك حزن !!


مظفر النواب

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

بعد لَتظن
تحايلني المودة وليك روحي اتحن

وبعد لتظن
تكَاوي مشتتاتي وبيك بس أصفن



عريان السيد

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ما نسيتك..

يا هو گـلالك نسيتك؟

انت مستوطن دليلي.!
ونامي حدر اضلوعي ياس اخضر لگيتك..

(انت فيضت الهوى بروحي سواجي)

وعلمت عيني اعلى شوفك
لحـد مـا خليـت جفـنــي يصـيـر بيتك...

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

مانسيتك

شنسـه واني انسان
چـنــت ابــلا هــويــة.!
وعـرفتني بـروحــي بـ ايـام الهـويتك..

ما نسيتك
(اليحب من جوه روحه إلزام يعذر)

تدري حاملهن على السبعين محمل
جرحك..
وخذلانك..
وهجرك..
واذيتك.!

ما نسيت..

(وحتى جرحك ها معزه!)

اعناد الچمنه لون يتلاشى فكر.!

منك إدموعي
واذا منك دموعي؟

(من تندي عيوني منك يعني جرحك بيه غزر)

ها عفت لچمة بدليلي
و شنهو يعني؟

( حتى غيرك لو نوه يطب گلبي يعثر)

حيل شحيت بوصالك
عادي اصلا

(ربنه ذم كل واحد بخيراته بذر)

ياهو اليقنعني اكرهك؟

ياهو الينسيني ودك؟

منهوو يگدر؟

اني احبنك مثل حبي لـ هلي ونوبات اكثر..

شلك بـ لسن التذمك يم اذاني !؟

من شريتك ما نشدت الناس عنبر؟
موش عنبر؟

(انت من اكبر ذنوبي المن صدگ مستعز بيهن)

مامش ابنادم يحب ذنبه بصلابة وعنه كفر!

اني اريدنك يبعد ايماني تكبر..

هاي الك كل روحي
بيها
امحلفك بكل لحظة تكبر..

اي يبعد اجروحي اكبر...

من روائع الشاعره
سمر الخالصي

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

تگعد من النوم
وتلم الاحلام
مطشرة فوگ المخدة

تضحك وتنزل دمعتك
توه يمي
وين راحو ؟

تطلع من الغرفة
كلها تشوف وجهك

تصرخ من الخوفة
ما حلمان ب أحد

كلها تضحك
ليش ياهو الگالك عينك
وشت بأحلامك النه

تبتسم
تلزم دموعك گوه
خاف يطيح حلمك

انت گاعد بس تحس بالحلم يمك

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

انـه مفارگ
واعيش بلا ضوه ولاشوف
ومتاني الرسايل تطلگ احچايه

وترف روحي
إعله دگه امن الهوه إعله الباب
وتصعد عبرتي فوگ الگلب بايه

واگولن ها اجو
وانسه الركض واحتار
ادور عـالمشي واعثر بگشايه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

لاتحتار
كلنه اعله الوكت خطار
ياگلبي....وتظل متعوب ..
لامرسه ،، ولا معبار !
تكضيهه بفرح لو ظيم
تخلص والعمر مشوار