أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

حقي من أنخدع ماجنت احسب هيج
الشمر يذبح حسين وحافظ القرآن
وگلت تصير هي النجف بيها ثنين
زلمه اسمه علي والثاني اسم دفان
لا قلة خضار ولا هي شحة ماي
اليفطر الجرف ام فاگده وغرگان
كرار الدريساوي

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

بعدني اشتاكلك لو يجي العيد
ويمر اسمك وحس الروح مختنكه
تراني وياك عشت اسنيني بس احلام
افز من الحلم الشو كلشي ما الكه؟؟
صدك هسه انته يمغيري يفلان
تره اذا ماتت الشجره ماتضل وركه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

بعدني اشتاكلك لو يجي العيد
ويمر اسمك وحس الروح مختنكه
تراني وياك عشت اسنيني بس احلام
افز من الحلم الشو كلشي ما الكه؟؟
صدك هسه انته يمغيري يفلان
تره اذا ماتت الشجره ماتضل وركه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

(( ناصبه ))
***
يابخت من حب علي ويَه الله أنكت ناصبه
أخ أوزير أو وصي رب العرش ناصبه
بأعله المراتب حضه بحبه فلا ناصبه
بالعشره نبصم أله روح وكَلب قاربه
بميزانه يوم الحشر يم جنته قاربه
عدنه سفينة رجه وخل ينفعه قاربه
مبغض فلا ينّصح بحبه العلي ناصبه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

(( العَجَل))
الغوث من هالوكت لرجاك صحنه العجل
الزمن سيفه يحد والدنيـــــــه دَور العجل
رايدهه ترجــع وره للســــامري والعجل
انته لبجفَّك فجـــــرتوردنه من منهلك
صفَّينه ويَّه الصبر بحبك هلك منهلك
والناصبـــي نعرفــه مانســأله منهلك
ألأم سقيفة رحم والاب سراه العجل

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

سالوني عليه شمات
خنكه مستحي شحجي
راح أو معرف الاعذار
عيوني اتفسر المحجي
اشتكيت الكلبي كتله انساه
واحس مثل الطفل يبجي
هضمني واحس مني يذوب
اتاني اليل حتى ابجي
عمري ما درتله اكفاي
اكسره لو يدر ظهري
اشتكيت همومي للشمات
ماعندي صحب وشكي
اغمض بس يجيني بطيف
التعب اتجاوزه حدي
ونهاري صرت احسه ليل
واحس اخياله بين اهلي

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

حبيتك يل رحت من عندي ما رديت
وضلتلك صور تنضرها عيوني
حسافه اليل شامت صار اليه اليل
وكبال الجنت اتباها بيك بجوني
ردتك نخله ليه وبالعشك متميل
بس من رحت بيك الناس ميلوني

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

معروف لو صب الدمع .. ينشاف بس ما ينسمع
ليش اني دمعي بغيبتك .. فزز الناس الغافيه ..؟
وليش من اصيحك ما ترد .. مو تدري كاتلني البرد
واتلمس حلوك البشر .. وين الحجايه الدافيه ..؟
خايب احساسي البيه .. نقص لو روحك المتعافيه ..!
ودعت ليلي مقمراً .. امسيت والقمر اختفى
غيري سعيداً يحتفي .. ما همني في محتفى
اكملت دربي بائساً .. في خطوتي بان الجفى
حقاً كفى ..
جم دوب اكابر وانتظر .. سنت المضت مو كافيه ..؟
مهموم كل ساعه انجرح .. وبريتي يتمرجح تتن
وافكاري ما متصافيه ..!
صديت وآنه بلا عقل .. مجدوه ومسودن
مثل أم سمعت وليد انخطف .. طلعت مفرعه وحافيه
لك اني اخاف الياخذك ما عنده ( نيتي الصافيه )
لا يحتسي خمرآ أذا يومين ظل ( ما شايفك )
لا يشتعل جمرآ أذا عافت الضحكة ( شفايفك )
مو مثلي يكتبلك شعر ..
بلسانه من يحجي الغزل .. لا بي وزن لا قافيه
وخليني اكلك ع الحصل ..!!
يـ فلان ابشرك من رحت .. وياك اخذت العافية

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ماضل صديقا الي بس الجرح صاحبي
وگلبي صداه ينسمع يوم الحزن صاح بيه
من كل مكان انجرح ماضل كتر صاحي بيه
ومن انسأل على الوضع ردي يكن مايلي :
بالصحرا صرت انتظر يطلع نبع مايلي
وناسي العلي تنتچي صاحو علي مايلي
اي مايل انا لأن بس التعب صاحبي

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

منتظرها تحطّني گحلة بعينها
ونحري يضحك منتظر سچّينها
صغيرة ما تعرف تصلّي ولا تصوم
وگلبي يرجف يمتى أصيرن دينها
دمعة روحي أتناثرت بعيونها
وگلبي صفنة وطاح بيد ظنونها
عفت عيني بعينها وهسة آني جيت
أسال إعلى عيوني أگول شلونها

لـــ ادهم عادل