أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

سامع بشر يصرخ بعالي الصوت ؟
كلام بداخلة هوااااااي مكبوت ؟
يريد وتمنة يوم يرتاح
لحضة وي لحضة يطلب الموت

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

انتَ وين ؟
عتگت الضحكة اعلى شفتي
وماكو انتَ ..

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

شمدريني الثواني عناد

من تمشون مايمشن

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

حذر كلّش
مشيت وياك خط كحلة
أخاف بزلة افگدنك
وهذا أنتَ ..
مشيت وياي
تنشد بالجرح يا صوب اعورنك


لـ غيث الگطراني

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

زروقوا سيارتج وانه اشتهيت
خشبة التااابوت
ومغيسل قددديم
هلهلوو بجفااج وانه اسمع وراي
صووت اليكبر حلوو كلش حنين
البركع ولون الجفن يتشابهووون
الفرق بيناتهم صفﮔﺔ و ونين
من طلعتي ابااابكم ما شفتي روووح
غنت اعزاز وحررريمه او تايبين

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

وأجيلك سيف للدم حار
وأطيحن عالدرب خطوات
خطوة إدموع، خطوة أفكَّار
وخطوة أبعيدة ياخذها الضوة الوصلك
تفل إسرار

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

يا نبع صافي إبضواك
ليش شالت شفتك گل العطش ؟
وليش تذبل بالسواجي
وجرفك أيخضَّر فجر
بيّه ضوى إعيونك غُبش

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ما يقصّر
الله حط الشمس فوك مرايتي

وراح الضباب
وصرت آشوفن روحي زين

صرت من آبعيد آفرزن
يا هو ماي

ويا هو بس لمعة سراب
ياهو يلمسني فراشه

ويا هو يلسعني بشفايف من عسل
لا تمازحني بعدما جرحي طاب

الما شكر ربه آعلى كَلبي
وعنّه غاب

من يرد ما يلكَه باب .
المفاتيح القديمه

ما يرهمن على كَلبي
ليش تتعب ؟
دوّر آلهن غير باب


- عبدالكريم القصّاب

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

روح أترس فراغك بالبرودة البيك
انه وجه الشمس بالملگة غطيته

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

أمسّير جا حجينه وين ؟
وگومّتنه وگعدتنه، روحتنه وجيتنه ؟

ولو فضفض شعرنه الگمر لملمته
ولو بلل دربنه المطر عاتبته
ولو گشمر فرحنة الهوى گشمرته

أمسّير يا اخر جرح بيه ؟
تلملم غصباً أعله الروح والجمته ..