أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

‏هي الدنيا حال وحال
شوية الينحچي گبالك
چثير بظهرك الينگال

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

كَوه .. كَوه تريدني العذال ارد
للشوك واهوه
و ما دروني اضحك ضحك .. مجبود
چالمگيود كَوه
و مادروني .. اسحن سحن بالروح
واخزن هالعذاب بسمه جلوة
خايف السان البطر واضحك جذب
والنار جوه
و صابر و روحي ابملام اللايمين
ابتلت بلوه
حارت اوياهم ، يذكروها .. المضه
وكَالوا اشدعوه ..؟
واصبحت مثل اليهد اوحيد
جدام الزلم وبعازة اخوه
ينلوي و خالي الظهر مهضوم
بدموعه يتجوه

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

مامش ولا چف لگاني !!
ترااااب
ودوارة گضه عمري اعله مامش
وين لچماتي خذَني

مگاود من چفوف فگدك
ديره شمرتني اعله ديره
وكاض اسمك والنشد يتبده مني

ياهو شايف دنيا مبيوعة بحسافة ؟
ياهو شايفله حمل باگوا چتافة ؟
ياهو شايفله بعيد بلا مسافة؟
أنشد الوادم بـ ذني

ولا بنادم
رد نشد كلبي اعله كلبي
أنتَ ..
والشوگ ..
وگطعتك هاي ..
واسمك ..
طاسه زيبگ فوگ شوغاتك چفني
بيش ألم روحي واهي چفوفك چفني
ليش چا ما سالمني
ليش مو چنت اختلي بـ فَيهن
شجاهن طيحَني

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

أزهك
ب السچچ ... واغتاض

وأحلف ما أتانيكم ...واتانيكم....!!!!!

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

‏خذاني الموت مالك جيه يم گبري ؟؟
بس فكر تجي ولتخاف ..
اشگ چفني واجي ابالك
انوي ومو شرط تحضر
واذا نيتك صدگ ياريت
تجيني و وعد تلگاني .. على باب الگبره موزر








محمد وجيه
‎

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

‏انه اول نار تطفيني كواغد بيها چم مكتوب منك

انه مو عينك لَچن ابچي اعله حزنك !








لـ ‎#احمد_ابراهيم

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

بعده مو موسم عطش وتذب اديك
ولاهي هبّت ريح وتشرع السفن
ضم متاعك للدرب يمكن طويل
ووصي چفك يطوي روحه اعله الرسن






#باســــم_الخـاقانـــي

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

عجل يابة ، أشحلاتك !

يا لعد ، يا چا …

- يا كحلة عرب بعيون كردية

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

ادورك
بس انه وكلبي
لوحدنه وبسكته نموت

ساعه ..
اغفه ويشيعني
ويحطني بهيده بتابوت

وساعه ..
اگعد وشيعنه
وروح ويـ النعش زاتوت

مدري شلون گمنه نموت

 

[mohammed.shams]

رد: أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

تلاگينة ومشَينة و مَا تصَالحنة ..
چـِٰان فراگنهَ أوضّح من مـِٰلامحنة !


- باهر الجنديل